„მომხრე ვარ გაერთიანდნენ და საზოგადოების დაბნევა შეწყვიტონ, თითქოს რამე განასხვავებთ ერთმანეთისგან“, - ასე ეხმაურება „ევროპული საქართველოს“ წევრი თამარ ჩერგოლეიშვილი პარტიების: „ახალი“, „გირჩი – მეტი თავისუფლება“„დროა“„ერთიანი ნაციონალური მოძრაობა“, „სტრატეგია აღმაშენებელი“ და „ლელო საქართველოსთვის“ ერთობლივ განცხადებას.
როგორც ჩერგოლეიშვილი Facebook-ზე წერს, ეს პარტიები ტყუილებით ვერაფერს მიაღწევენ.
„ეს არ არის ოპოზიციური პარტიების ერთობლივი განცხადება. ეს არის ოპოზიციური პარტიების ნაწილის განცხადება - მომხრე ვარ გაერთიანდნენ და საზოგადოების დაბნევა შეწყვიტონ, თითქოს რამე განასხვავებთ ერთმანეთისგან. და ეს თვითმარქვიები ვერაფერს მიაღწევენ ამ ტყუილებით. თავად ამ ტექსტის დასაწყისი საუკეთესოდ ასახავს, რატომ არიან ლუზერები“, - წერს თამარ ჩერგოლეიშვილი.
ინფორმაციისთვის, რამდენიმე ოპოზიციური პარტიის განცხადებაში ნათქვამია, რომ „უცხოური გავლენის გამჭვირვალობის შესახებ“ კანონის მეორე მოსმენით განხილვის დღისთვის ისინი „სრულ კოორდინაციას და მობილიზაციას“ აცხადებენ.
⭕ აგრეთვე დაგაინტერესებთ:
⭕„მესტიაში მეწყერი ჩამოწვა, მიმდინარეობს გზის გაწმენდითი სამუშაოები“ - კაპიტონ ჟორჟოლიანი
⭕ „საქართველომ თავისი ევროპული არჩევანი დიდი ხნის წინ გააკეთა“ - ბაბი კირკიტაძე
