პარლამენტის თავმჯდომარე შალვა პაპუაშვილი ევროპარლამენტის „მწვანეთა პარტიის“ საპარლამენტო მდივნის, თამარ გუგულაშვილის განცხადებასთან დაკავშირებით დასმულ კითხვას გამოეხმაურა.
„ზოგადად, სერიოზულად არ ვუყურებ ასეთ შეფასებებს. ჩვენ ვხედავთ ევროპარლამენტში ცალკეულ დეპუტატებს, რომლებიც არიან მიხეილ სააკაშვილის მეგობრები. დამთავრდა, ამით ყველაფერი ნათქვამია. მიხეილ სააკაშვილის მეგობარი დეფინიციითვე ვერ იქნება საქართველოს მეგობარი. რა თქმა უნდა, ასეთი ხალხისგან ქართველი ხალხი კარგს არაფერს ელის, მით უმეტეს, რომ ჩვენ ნანახი გვაქვს რეზოლუციები, სადაც პირდაპირ ტყუილს და დეზინფორმაციას წერდნენ საქართველოსთან დაკავშირებით. მერე აღმოვაჩინეთ, რომ ეს ტექსტები შედგენილი არის ლობისტების მიერ და აქ არის პოლიტიკური კორუფციის ეჭვი“, - აცხადებს შალვა პაპუაშვილი.
თამარ გუგულაშვილის განცხადებით, ისმის მოწოდებები, რომ ევროკომისიამ გაიწვიოს საქართველოსთვის მიცემული კანდიდატის სტატუსი.
აგრეთვე დაგაინტერესებთ:
🎥 „მთავარია არ იზარმაცო, არ დაუწვე სიბერეს“ - რას ამბობს 77 წლის ჰენრი კუპრაშვილი
