ინფორმაცია მათთვის, ვისაც ალერგია აწუხებს

„15.05.2023-21.05.2023 მცენარეული ალერგენების გავრცელების პროგნოზია:

მუხის (Quercus) და წიფლის (Fagus) მტვრის მარცვლების კონცენტრაცია არ შეიცვლება და დაბალ ნიშნულზე შენარჩუნდება.

ფიჭვის (Pinus) მტვრის მარცვლები დაბალ ნიშნულზე დაფიქსირდება, თუმცა მის მტვრის მარცვლებს არ აქვს ალერგენული თვისებები.

ცხენისწაბლას (Aesculus) მტვრის მარცვლები მცირე რაოდენობით იქნება შეწონილი ჰაერში.

ერთეული სახით დაფიქსირდება ჯვაროსნების (Brassicaceae) და მჟაუნას (Rumex) მტვრის მარცვლები.

ერთ-ერთი მაღალი ალერგენული თვისებების მქონე ბალახოვანი მცენარეების, მარცვლოვნების (Poaceae) მტვრის მარცვლების კონცენტრაცია არ შეიცვლება და მაღალ ნიშნულზე შენარჩუნდება.

სოკოვანი ალერგენების: ალტერნარიას (Alternaria) და კლადოსპორიუმის (Cladosporium) სპორების კონცენტრაცია არ შეიცვლება და დაბალ ნიშნულზე დაფიქსირდება“, - ნათქვამია გავრცელებულ ინფორმაციაში.

აგრეთვე დაგაინტერესებთ:

🔵„ასეთი რამ 12 წელიწადში ერთხელ ხდება - გამდიდრების დრო იწყება“ - მიხეილ ცაგარელი

🔵„16 მაისიდან უკვე კარგი პერიოდი დგება ყველა სახის საქმიანობისათვის“ - ასტროლოგი