დერმატო-ვენეროლოგი ზაზა თელია სოციალურ ქსელში კომპიუტერული ტომოგრაფიასა (CT) და მაგნიტურ-რეზონანსული გამოსახულების (MRI) ფიზიკურ და ტექნიკურ განსხვავებებზე საუბრობს.
სპეციალისტმა ყურადღება იმ გავრცელებულ შეცდომებზეც გაამახვილა, რასაც საზოგადოება და მედპერსონალი ამ მეთოდების დასახელებისას უშვებს:
„🛑 CT ანუ Computer Tomography ანუ კომპიუტერული ტომოგრაფია.
🛑 MRI ანუ Magnetic Resonance Imaging ანუ მაგნიტურ რეზონანსული გამოსახვა და არა მაგნიტურ რეზონანსული ტომოგრაფია (MRT) სამწუხაროდ უპირატეს შემთხვევაში ტერმინი არასწორად გამოიყენება.
🛑 MRI ანუ Magnetic Resonance Imaging ანუ მაგნიტურ რეზონანსული გამოსახვა.
👇 მეთოდის სიზუსტე რამდენიმე ფაქტორით განისაზღვრება: მრავალსიბრტყული რეკონსტრუქცია: ტრადიციული ტომოგრაფია (როგორც მაგალითად ძველი რენტგენული ტომოგრაფია) ფიზიკურ „ნაკვეთებს“ ან ფენებს გულისხმობს.
MRI-ს შემთხვევაში კი მონაცემები გროვდება k-სივრცეში (k-space) და მათემატიკური დამუშავების (ფურიეს გარდაქმნის) შედეგად მიიღება ნებისმიერი მიმართულების და სიბრტყის გამოსახულება, ყოველგვარი მექანიკური სექცირების გარეშე. საერთაშორისო სტანდარტები:
წამყვანი ოდოლოგიური ასოციაციები (როგორიცაა ACR და ESR) და სამეცნიერო ლიტერატურა ერთმნიშვნელოვნად უპირატესობას ანიჭებენ ტერმინს Magnetic Resonance Imaging (MRI).
მიუხედავად იმისა, რომ ევროპულ ზოგ კლინიკურ პრაქტიკაში (განსაკუთრებით გერმანულენოვან სივრცეში, სადაც Magnetresonanztomographie დამკვიდრდა) MRT ხშირად გამოიყენება, აკადემიურ და პროფესიულ დონეზე MRI სწორი და პრიორიტეტული არჩევანია.
🛑 კომპიუტერული ტომოგრაფიის (CT) შემთხვევაში ტერმინი „ტომოგრაფია“ (ბერძნ. tomos — ნაჭერი, სექცია + graphein — აღბეჭდვა) ტექნიკურად და ფიზიკურად აბსოლუტურად ზუსტია.
🛑 ეს განსხვავება მეთოდოლოგიურ თავისებურებებზე მიუთითებს: ფიზიკური პრინციპი: CT სკანერის რენტგენის მილი და დეტექტორები ფიზიკურად ბრუნავს სხეულის გარშემო და აფიქსირებს ატენუაციის პროექციებს სხვადასხვა კუთხიდან. ამ მონაცემების საფუძველზე კომპიუტერი (რეკონსტრუქციული ალგორითმებით) აგებს სხეულის ნამდვილ აქსიალურ ჭრილებს (სექციებს).
ისტორიული კონტექსტი: მეთოდი თავიდანვე დამკვიდრდა როგორც კატ-სკანირება (Computed Axial Tomography), სადაც ტომოგრაფიული პრინციპი სახელწოდებაშივე იდო და სრულად პასუხობდა ფიზიკურ რეალობას.
🛑 განსხვავებით MRI-სგან, სადაც სიგნალი k-სივრცეში გროვდება და გამოსახულება მათემატიკური მატრიცის (ფურიეს გარდაქმნის) შედეგია და არა ფიზიკური სექციური სკანირების, CT-ს შემთხვევაში საქმე გვაქვს კლასიკურ ტომოგრაფიასთან“, - წერს ზაზა თელია.
⭕ ასევე დაგაინტერესებთ:
⭕10 ფრაზა, რომელიც შვილს არასდროს უნდა უთხრათ - ფსიქოლოგების მთავარი გაფრთხილება მშობლებს
⭕ „ვამაყობ შენით, ძმაო! შენ გვერდით, ყოველთვის!“ - თორნიკე შენგელია მერაბ დვალიშვილზე
