რა არის ფრჩხილის ყველაზე გავრცელებული დაავადებები და რატომ ვითარდება ისინი? - აღნიშნულ საკითხზე გადაცემაში „დილა მშვიდობისა საქართველო“ დერმატო-კოსმეტოლოგმა ზაზა თელიამ ისაუბრა:
„ყველა ფრჩხილის დაზიანება არ არის სოკო. როცა პაციენტები მოდიან ჩემთან, იმ წამსვე მეუბნებიან რომ ფრჩხილის სოკო აწუხებთ. არადა, ფრჩხილის სოკოს გარდა უამრავი დაავადებებია და ყველაზე ნაკლებად მხვდება სტატისტიკურად ფრჩხილის სოკო.
ფრჩხილის დაავადებები იყოფა შემდეგ ნაწილად:
1. ხშირი ფრჩხილის მდგომარეობები, რომლებიც პათოლოგიად არ ითვლება.
2. ტრავმული ფრჩხილის დაზიანებები.
3. ქრონიკული ანთებითი ფრჩხილის დაავადებები.
4. ინფექციური ფრჩხილის დაავადებები.
შესაძლოა, ფრჩხილი იყოს ზოგჯერ გამომშრალი, ამიტომ ხშირად ვურჩევთ პაციენტებს, მოუარონ ფრჩხილს, დაიტენიანონ და აარიდონ ტრავმებს თავი. ერთ-ერთი საუკეთესო ვარიანტი დასატენიანებლად თეთრი ვაზელინის გამოყენებაა“, - აღნიშნა ზაზა თელიამ.
⭕ ასევე დაგაინტერესებთ:
