40+ ასაკში წონის მატება და დაკლების გართულება ძალიან გავრცელებული და ბუნებრივი პროცესია, ამას რამდენიმე ერთმანეთთან დაკავშირებული მიზეზი აქვს:
1️⃣ მეტაბოლიზმის შენელება
2️⃣ ჰორმონალური ცვლილებები
3️⃣ კუნთოვანი მასის შემცირება
4️⃣ ცხოვრების სტილის ცვლილება
5️⃣ ინსულინის მგრძნობელობის შემცირება და ა.შ.
რატომ ხდება წონის მატება და ჭირს დაკლება 40+ ასაკში ?! - აღნიშნულ თემაზე ვრცლად, გადაცემაში „დილა მშვიდობისა საქართველო“ გინეკოლოგ-რეპროდუქტოლოგ მანანა მგალობლიშვილმა ისაუბრა და მაყურებელს სასარგებლო რეკომენდაციები გაუზიარა:
„35+, 40+ დაახლოებით ბევრი მეუბნება, რომ ჭამ ისევ ისე, მაგრამ რატომღაც წონაში ვიმატებ. ან ვარ, ე.წ. დიეტაზე, მაგრამ ვერ ვიკლებ წონაში. რატომ? იმიტომ, რომ ხდება ბევრი ცვლილება.
ქალებში საკვერცხეები უკვე ისეთი აქტიური აღარ არის, რეპროდუქციული სისტემა ნელ-ნელა ქრება, ამიტომ არ გამოიყოფა იმ რაოდენობის ქალის ძირითადი ჰორმონი, ესტროგენი და ასევე იკლებს ტესტოსტერონი. ესტროგენს ბევრი ფუნქცია აქვს, მათ შორის ცხიმის გადანაწილების და როცა ის ნაკლებია, ცხიმის გადანაწილებაც სხვანაირად ხდება“, - ამბობს მანანა მგალობლიშვილი.
ასევე დაგაინტერესებთ:
