იუთუბერი, ექიმი კოტე თოდუა სოციალურ ქსელში „იუთუბის“ არხზე საზოგადოებას სასარგებლო რჩევებს პერიოდულად უზიარებს.
მედიკოსს 60 ათასზე მეტი გამომწერი ჰყავს და მის რჩევებს ათასობით ნახვა და კომენტარები აქვს.
ამჯერად მან ახალი ვიდეო გამოაქვეყნა სათაურით: სიმართლე რძის შესახებ! სარგებელი, რისკი, ქათმის ნაკელი, ჰორმონები - რა ვიცით...
„ბოლო ორი დღეა ყველა ლაპარაკობს რომ ქართული რძე დაბინძურებულია, რადგან პირუტყვი ქათმის ფეკალიებით იკვებება. ამან წარმოშვა ბევრი კითხვის ნიშანი - ჰო არ არის ბაქტერიები და დაავადებების რისკი ან ინფექციები, რომლებიც შესაძლოა ადამიანებზე გადმოვიდეს?
განვითარებულ ქვეყნებში ადამიანები წელიწადის განმავლობაში დაახლოებით 100 ლიტრ რძეს სვამენ. ყოველი ჩვენგანი ამ რაოდენობით რძეს ვსვამთ. რძე უპირველეს ყოვლისა ამინომჟვების სრულ კომპლექტს შეიცავს. ვიღებთ ვიტამინებს რძის სახით. ასევე ის არის კალციუმის წყარო, რომელიც ძვლების განვითარებისთვის აუცილებელია. ასევე ცხიმში ხსნად ვიტამინებს შეიცავს, რაც ასევე მნიშვნელოვანია. შეიცავს შაქარს, მაგრამ არა ბევრს. ადამიანები, რომლებიც ორ ჭიქა რძეს სვამენ, იმ ადამიანებში შედარებით ნაკლებია გულ-სისხლძარღვთა დაავადებები. ასევე ნაკლები შანსია სიკვდილის.
რძე არ უნდა იყოს დაბინძურებული ბაქტერიებით, როგორიცაა სალმონელა, ბრუცელოზი და ა.შ. ამისთვის არსებობს პასტერიზაცია, რაც გულისხმობს რძის გაცხელებას 72 გრადუსზე. ასევე ჰომოგენიზაცია ხდება, რაც ცხიმებს გულისხმობს და ხშირად გვხვდება სოფლის რძეში. ამიტომ აშორებენ რძეს ამ ცხიმებს. მესამე რასაც ყურადღებას ვაქცევთ არის ის რომ არ შეიცავდეს ანტიბიოტიკებს და პესტიციდებს. ასეთი პროდუქტი კი ძალიან ძვირი ღირს. როცა ანტიბიოტიკებს შეიცავს რძე, შესაძლოა გარკვეული პერიოდის შემდეგ ამან გამოიწვიოს სხვადასხვა სახის ბაქტერიის წარმოქმნა. რისკი არის მაგრამ ძალიან დიდი არა.
ქათმის ფეკალიები რა თმა უნდა აბინძურებს, როგორც პირუტყვის ასევე ჩვენ ორგანიზმს. შესაძლოა გადავიდეს მძიმე მეტალები, ასევე ის ანტიბიოტიკები, რომლებსაც ფრინველს უკეთებენ. ძროხის ძირითადი საკვები ეგ არ არის, უბრალოდ დანამატია. შესაბამისად, რასაც იღებს პირუტყვი არის მცირე რაოდენობით. არასასურველია რა თმა უნდა. თუ სათანადოდ ხდება რძის დამუშავება კრიტიკულად მნიშვნელოვანი არ არის. ნარჩენებით მიღებული ცილები, პირუტყვში ზრდის პრიონებით დაავადების რისკს, რაც შემდგომში საკმაოდ სერიოზული დაავადებებია. ამ ყველაფრის გათვალისწინებით შესაძლოა ვირუსული ინფექციებიც გადავიდეს. ცივილიზებულ ქვეყნებში ასეთი კვება პირუტყვის აკრძალულია. აუცილებელია ლაბორატორიული კვლევის შედეგები დროდადრო გამოქვეყნდეს“, - ამბობს კოტე თოდუა.
მეტის გასაგებად იხილეთ ვიდეო:
⭕ ასევე დაგაინტერესებთ:
🎥 როგორ განვთავისუფლდეთ დიაბეტისგან? - არუნ ხათრის რჩევები
⭕„კარმას ყველას მისამართი აქვს...“ - ლინდა ადამია ახალ კადრებს აქვეყნებს
