ორსულობის დროს მაღალმა არტერიულმა წნევამ შეიძლება შეუქმნას პრობლემა როგორც ორსულს ასევე ნაყოფს.
თუ წნევა ნორმალურია - კვირაში ერთხელ, ხოლო თუ შეიმჩნევა წნევის ცვალებადობა (განსაკუთრებით მომატების კუთხით) - დღეში ერთხელ აუცილებლად უნდა მოხდეს წნევის მონიტორინგი . ნორმალურ არტერიულ წნევად ითვლება ის წნევა, რომლის დროსაც ჯანმრთელი ადამიანი თავს კარგად გრძნობს.წნევის გაზომვა ხდება იმ მომენტში, როცა არაფერი გაწუხებთ, ხოლო მიღებული აბსოლუტური სიდიდე არის სწორედ თქვენი ნორმალური წნევა.თქვენ უნდა იცოდეთ რამდენია საკუთარი ნორმალური არტერიული წნევის სიდიდე. ფეხმძიმობის პერიოდში ხდება არტერიული წნევის მერყეობა. ჩვეულებრივ, იგი უმნიშვნელოდ იწევს დაბლა პირველი თვეების განმავლობაში, თუმცა დაახლოებით მეშვიდე თვიდან იწყებს მომატებას.
მონაცემების მიხედვით არსებობს რამდენიმე შესაძლებელი მიზეზი რაც იწვევს ჰიპერტენზიას ორსულობის დროს :
✅ ჭარბი წონა
✅აქტივობის შემცირება
✅მოწევა
✅ალკოჰოლის მიღება
✅პირველი ორსულობა
✅ოჯახური ისტორია
✅მრავალნაყოფიანი ორსულობა,
✅40 წელზე მაღალი ასაკი
✅ ინვიტრო განაყოფიერება
ზოგიერთ ორსულს მაღალი წნევა აწუხებს ორსულობამდეც , ზოგიერთს კი უვითარდება ორსულობის პერიოდში .
გესტაციური ჰიპერტენზია - ორსულს უვითარდება ორსულობის 20 კვირის შემდეგ, ამ შემთხვევაში შარდში ცვლილებები არ არის და არ ვლინდება სხვა სიმპტომები. ქრონიკული ჰიპერტენზია - ასეთ შემთხვევაში ჰიპერტენზია არსებობდა ორსულობამდე ან ვითარდება ორსულობის 20 კვირამდე, მაგრამ რადგანაც ზოგჯერ მაღალ წნევას უსიმპტომოა შეიძლება მისი აღმოჩენა რთული იყოს.
პრეეკლამპსია - პრეეკლამპსია ვითარდება ორსულობის 20 კვირის შემდეგ და შეიძლება თან ახლდეს სხვადასხვა ორგანოების დაზიანება ,როგორიცაა თირკმელები , ღვიძლი ,სისხლის მიმოქცევის სისტემა და ტვინი . პრეეკლამფსიისა თან ახლავს ცილის მომატება შარდში და შეშუპება .
ჰელპსინდრომი - ორსულობის მესამე ტრიმესტრში ვითარდება,
ახასიათებს ჰემოლიზი, ღვიძლის ფერმენტების დონის მომატება და თრომბოციტოპენია. მისი გართულებები საკმაოდ მძიმეა და საჭიროებს სათანადო მკურნალობას და ყურადღებას.
საკუთარ თავზე ზრუნვა საუკეთესო გზაა რომ იზრუნო ბავშვზე : ამისთვის საჭიროა რეგულარული ვიზიტი ექიმთან , ხშირად გაიზომოთ წნევა ორსულობის პერიოდში, მიიღოთ ჯანსაღი საკვები , აირიდოთ რისკფაქტორები .
მკურნალობა აუცილებელია რადგან მაღალმა წნევამ შეიძლება საფრთხე შეგიქმნათ თქვენ და ნაყოფს . წამალი აუცილებლად უნდა მიიღოთ ექიმის დანიშნული .
მაღალი არტერიული წნევა დაკავშირებულია გარკვეულ რისკებთან ,შეიძლება შემცირდეს პლაცენტარული სისხლის მომარაგება ,მოხდეს პლაცენტის ნაადრევი აცლა ,ნაყოფის საშვილოსნოსშიდა ზრდის შეფერხება, ნაადრევი მშობიარობა და შემდგომი კარდი ოვასკულარული დაავადება.
⭕ ასევე დაგაინტერესებთ:
🎥 რა მოხდა საქართველო-სომხეთის მატჩის დასრულების შემდეგ „დინამო არენაზე“
⭕„გილოცავ დე“ - გიორგი მიქაუტაძე გოლის გატანის შემდეგ
⭕„ერთად ვიმარჯვებთ, ერთად ვსწავლობთ... არაფერი იცვლება, ჩვენ ვაგრძელებთ გზას“ - ალექსანდრე თოფურია
