![ივანე ჩხაიძე ივანე ჩხაიძე](https://digest.ge/uploads/files/2022/03/16/24192/ivane-chkhaidze_w_h.jpeg)
„იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა ივანე ჩხაიძემ „კვირას“ პრესკლუბში გამართულ პრესკონფერენციაზე ყივანახველას შემთხვევების მატებასთან დაკავშირებით ისაუბრა.
იგი შემთხვევის მატებას ჩავარდნილ ვაქცინაციას უკავშირებს და აღნიშნავს, რომ ვაქცინის გაკეთება მნიშვნელოვანია.
ამასთან, ჩხაიძე ამბობს, რომ ყივანახველა არ არის მარტივი დაავადება და მას გართულებებიც ახლავს.
„წელს შეინიშნება ყივანახველას შემთხვევების მკვეთრი მატება. თუ 2023 წელს სულ 117 შემთხვევა იყო ყივანახველის, 11 ივნისისთვის - 687 შემთხვევა გვაქვს. ეს არის პირველ რიგში, ჩავარდნილი ვაქცინაციის შედეგი. არამარტო საქართველო, არამედ ძალიან ბევრი ქვეყანა აღნიშნავს ყივანახველის შემთხვევის მკვეთრ მატებას. ჩვენთანაც ამ მატების უკან დგას ყივანახველის ჩავარდნილი ვაქცინაცია. ეს მატება ეხება არამარტო ბავშვებს, არამედ ეს მატება მოზრდილებშიც აღინიშნება.
ყივანახველა არ გახლავთ დაავადება, რომელიც მხოლოდ და მხოლოდ ხველით მიმდინარეობს, მას არც თუ იშვიათად ახასიათებს სერიოზული გართულებები. პირველ რიგში, მხედველობაში გვაქვს - ფილტვების ანთება. ყივანახველას გარდაცვალების შემთხვევებიც ფიქსირდება, ასე რომ, არ უნდა შევხედოთ ამ დაავადებას, როგორც მსუბუქ ხველით მიმდინარე ინფექციას. ხველის ხანგრძლივობა საკმაოდ დიდია და 3 თვე, შეიძლება გაგრძელდეს“, - აცხადებს ივანე ჩხაიძე.
⭕ აგრეთვე დაგაინტერესებთ:
⭕ „ჩემს გოგონებს ზეიმი ჰქონდათ...“ – რა ფოტოებს აქვეყნებს გია ბაღაშვილი