Digest Logo

ალკოჰოლისადმი მიდრეკილების შესამცირებლად მცენარეული საშუალება აღმოაჩინეს

1795280866
კუძუს მცენარე

კუძუს მცენარის ექსტრაქტს შეუძლია დაეხმაროს ალკოჰოლზე დამოკიდებულ ადამიანებს ჭარბი მოხმარების ეპიზოდების შემცირებაში.

ამ დასკვნამდე კალიფორნიის უნივერსიტეტის მკვლევრები მივიდნენ. მეცნიერთა კვლევის შედეგები ავტორიტეტულ სამეცნიერო ჟურნალში American Journal of Psychiatry (AJP) გამოქვეყნდა.

ექსპერიმენტის მსვლელობა და მეთოდოლოგია

კლინიკურ ექსპერიმენტში მონაწილეობდა ალკოჰოლის მომხმარებელი 120 ზრდასრული ადამიანი, რომლებიც კვირაში ერთხელ მაინც მიირთმევდნენ დიდი რაოდენობით ალკოჰოლს.

დანაწილება: მოხალისეთა ნახევარი იღებდა სტანდარტიზებულ კუძუს ექსტრაქტს, ხოლო მეორე ნახევარი - პლაცებოს.

მიღების რეჟიმი: 12 კვირის განმავლობაში მონაწილეები ექსტრაქტს ალკოჰოლის სავარაუდო მოხმარებამდე დაახლოებით 2.5 საათით ადრე იღებდნენ.

მხარდაჭერა: ორივე ჯგუფის წევრები დამატებით გადიოდნენ მოკლე ყოველკვირეულ კონსულტაციებს სპეციალისტებთან.

კვლევის შედეგები და უსაფრთხოება

12-კვირიანი დაკვირვების დასრულების შემდეგ გამოვლინდა საგრძნობი განსხვავება ჯგუფებს შორის:

კუძუს ჯგუფი: ალკოჰოლის ჭარბი მოხმარების დღეების საშუალო რაოდენობა კვირაში 2.15-დან 1.42 დღემდე შემცირდა.

პლაცებოს ჯგუფი: ჭარბი მოხმარების დღეების მაჩვენებელი პრაქტიკულად უცვლელი დარჩა (2.15-დან 2.06 დღემდე).

მკვლევრებმა აღნიშნეს, რომ დადებითი ეფექტი მკურნალობის კურსის დასრულებიდან 3 თვის შემდეგაც შენარჩუნდა. გარდა ამისა, მონაწილეებმა ექსტრაქტი კარგად აიტანეს და გვერდითი მოვლენების სიხშირე პლაცებოს ჯგუფის მაჩვენებლისგან არ განსხვავდებოდა.

სამეცნიერო დასკვნა

კვლევის ავტორთა შეფასებით, კუძუს მცენარის ექსტრაქტი შესაძლოა გახდეს ეფექტური და უსაფრთხო დამატებითი ინსტრუმენტი ალკოჰოლის ჭარბი მოხმარების შემცირებისა და დამოკიდებულების მართვის კომპლექსურ თერაპიაში.

ასევე დაგაინტერესებთ:

⭕„ძალიან მძიმეა იმ ყველაფრის გააზრება, მთელი გულით შემძრა“ - სოსო ნებიერიძე ფონიჭალაში დატრიალებულ ტრაგედიაზე

⭕დეკემბერში ზოდიაქოს 3 ნიშანს დიდი სიყვარული ელის - ვინ შეხვდება თავის ადამიანს?

⭕დამწვარი გზის დასასრული: უთანხმოებისა და წყენის საფრთხე, როგორ შევინარჩუნოთ ჰარმონია?

წყარო: mkurnali.ge

✕