დეტოქს-კოქტეილი, რომელიც დაგეხმარებათ სწრაფად ჩადგეთ ფორმაში და მომატებული კილოგრამები დაიკლოთ

შეგიძლიათ, დაამზადოთ სასმელი ბროკოლით, ჯანჯაფილით, ლიმონით ან ნიახურით და დაამატოთ ნებისმიერი ფოთლოვანი მცენარე - რუკოლა, ისპანახი, აისბერგი ან სხვა. ეს პროდუქტები ღვიძლის მუშაობას ხელს შეუწყობს და დეტოქსიკაციის პროცესებს გააუმჯობესებს. ასევე, შეგიძლიათ, დაამატოთ ჯანსაღი ცხიმის წყაროებიც ავოკადოს, ქოქოსის სახით. შესანიშნავი პროდუქტია კურკუმა, დარიჩინი, მუსკატის კაკალი.

კენკრა ვიტამინების, მინერალებისა და ანტიოქსიდანტების წყაროა. ამიტომაც, შეგიძლიათ, გამოიყენოთ მოცვი, ჟოლო, ან ნებისმიერი გაყინული კენკრა. სასმელს ასევე შეგიძლიათ, დაუმატოთ კივი, ვაშლი, ანანასი.

დეტოქს-წვენის რეცეპტი

დაგჭირდებათ:

2 ჭარხალი;
2 ვაშლი;
ნიახურის 2 ღერი;
დაახლოებით, 2 სანტიმეტრი ზომის ჯანჯაფილის ბოლქვი.

მომზადება:

თითოეული ინგრედიენტი წვენსაწურში გაატარეთ, კარგად აურიეთ და მიირთვით.

პინავოკადო

დაგჭირდებათ:

2 ნაჭერი ანანასი;
1 ცალი ავოკადო;
200 მლ ქოქოსის რძე;
1 კონა ისპანახი;
მწიკვი კურკუმა.

მომზადება:

გაასუფთავეთ ინგრედიენტები, დააბლენდერეთ და გემრიელად მიირთვით.

დეტოქს-ლიმონათი

დაგჭირდებათ:

1 კონა პიტნა;
როზმარინის რამდენიმე ფოთოლი;
1 ლიმონი;
½ გრეიპფრუტი.

მომზადება:

ლიმონი და გრეიპფრუტი დაჭერით პატარა ნაწილებად. მწვანილი კარგად გარეცხეთ. მოათავსეთ ყველა ინგრედიენტი სასურველ ჭურჭელში და დაასხით წყალი. დააყოვნეთ ცოტა ხნით და შემდეგ მიირთვით.

აგრეთვე დაგაინტერესებთ: 

⭕„დათვი დახურულ, იზოლირებულ საკარანტინო სივრცეშია“ - თბილისის ზოოპარკი საგანგებო განცხადებას ავრცელებს

⭕„ერთი თვის წინ, თავი მსოფლიოში ყველაზე უბედური ადამიანი მეგონა - არ ვიმჩნევდი, მაგრამ ეგრე იყო“ - რას წერს გიორგი კეკელიძე

⭕„მოერიდეთ ქორწინებას, უძრავი ქონების ყიდვა-გაყიდვას, თმის შეჭრას“ - კვირის დღეების ასტროპროგნოზი

წყარო: www.beaumonde.ge