ასტროლოგების თქმით, გაზაფხულის პირველი თვე თითოეულ ადამიანს ბევრ მნიშვნელოვან ცვლილებას მოუტანს და მისცემს შესაძლებლობას, წარსულში დაშვებული შეცდომებს კიდევ ერთხელ გადახედონ.
მთავარი აქცენტი ურთიერთობებზე კეთდება. როგორც ასტროლოგები ამბობენ, მარტის ენერგია რომანტიკის ტალღას მოგვიტანს. შესაძლოა, ადამიანებმა სრულიად მოულოდნელად თავიანთი ცხოვრების მთავარი მეგზური იპოვონ, ან კიდევ წარსულში დატოვებულმა ურთიერთობამ კვლავ გაიღვიძოს და მთელი ძალით აღდგეს. ამ თვეში ადამიანები საკუთარ თავში ტრანსფორმაციას აღმოაჩენენ და იგრძნობენ, რომ უფრო მეტად ემოციურები არიან. ნუ გაუშვებთ შანსს ხელიდან, წადით მეგობრებთან ერთად, გაატარეთ შაბათ-კვირა აქტიურად და შესაძლოა, სრულიად მოულოდნელად შეხვდეთ ადამიანს, რომელსაც უცდიდით. ან კიდევ წარსულში დატოვებულ ადამიანს დაუბრუნდეთ და კვლავ გაგიჩნდეთ სურვილი, თავიდან სცადოთ. ნუ შეგეშინდებათ, საკუთარ სურვილებზე თამამად ისაუბროთ. მარტის თვე შეგძენთ გამბედაობას, რომ ლიდერის თვისებები გამოავლინოთ და პასუხისმგებლობა საკუთარ თავზე აიღოთ.
თუმცა, ასტროლოგების თქმით, მომატებული ენერგიის ფონზე, შესაძლოა, სრულიად უმიზეზოდ კონფლიქტური სიტუაცია შექმნათ და ეს ისეთ უკონტროლო პროცესში გადავიდეს, რომ საყვარელ ადამიანს სამუდამოდ დაემშვიდობოთ. ამიტომ, ფრთხილად იყავით.
რაც შეეხება საქმიან ურთიერთობებს, მარტის თვეში ბევრი მოლაპარაკება, შეთანხმება, თანამშრომლობა გველის. ამ თვის ენერგია საშუალებას მოგვცემს, თემატურ ჯგუფებსა და საინტერესო აქტივობებში გავერთიანდეთ, რაც ჩვენს შესაძლებლობებს კიდევ უფრო გაამრავალფეროვნებს. ნუ დაგავიწყდებათ, რომ სხვა ადამიანებისათვის დახმარების თხოვნა და გამოცდილების გაზიარება სირცხვილი არ არის. შესაძლოა, სწორედ ახლა გამოჩნდეს ადამიანი, მენტორი, მეგობარი, რომელიც ისეთ მნიშვნელოვან რჩევას მოგცემთ, რომ ძალიან მნიშვნელოვან გადაწყვეტილებას მიიღებთ.
თუ დიდი ხანია, ვინმესთან საქმიანი ურთიერთობის დაწყებასა და თანამშრომლობას გეგმავთ, ეს მარტის თვეში გააკეთეთ. ასტროლოგების თქმით, ამ თვის ენერგია მოგცემთ შესაძლებლობას, რომ წარმატებას მიაღწიოთ . გარდა ამისა, ეს არის შესანიშნავი პერიოდი, როდესაც საკუთარი შემოქმედებითი იდეებისა და პოტენციალის გამოვლენა შეგიძლიათ.
ზოგადად, როგორც ასტროლოგები ამბობენ, მარტის თვე მთელი 2024 წლის განმავლობაში ერთ-ერთი ყველაზე მნიშვნელოვანი თვე იქნება და ის ენერგია, შემართება თუ წარმატება, რასაც ახლა მიაღწევთ, მთელი წელი გაგყვებათ. ამიტომ, შანსს ხელიდან ნუ გაუშვებთ, იყავით აქტიური და სცადეთ ის, რაც მთელი გულით გინდათ, რომ გამოგივიდეთ.
აგრეთვე დაგაინტერესებთ:
