შიდა ქართლის ერთ-ერთ სოფელში 73 წლის კაცმა მეზობლად მცხოვრები 12 წლის ბიჭი გააუპატიურა.
საქართველოს პროკურატურამ არასრულწლოვანის გაუპატიურებისა და სექსუალური ხასიათის ქმედების ფაქტებზე ერთ პირს ბრალდება წარუდგინა.
„მთავარი“ ბრალდებულის ადვოკატის კომენტარს ავრცელებს და მისი თქმით, იგი კატეგორიულად არ ეთანხმება ბრალდებას.
„იგი კატეგორიულად არ ეთანხმება ბრალდებას. ამბობს, რომ ეს ყველაფერი მოგონილია არასრულწლოვანის მიერ. იყო მათ შორის კონფლიქტი. გარკვეული პერიოდით ადრე ამ ბავშვმა გარკვეული სახის უკანონო მოქმედება განახორციელა ამ ოჯახის მიმართ და იყო გარკვეული კონფლიქტური სიტუაცია“, - ამბობს 73 წლის ბრალდებულის ადვოკატი, ნოდარ ცინცაძე.
ცნობისთვის, 12 წლის მოზარდის გაუპატიურების ფაქტზე დაკავებულს, 20 წლამდე, ან უვადო პატიმრობა ემუქრება. პროკურატურამ მას ბრალი უკვე ოფიციალურად წარუდგინა.
12 წლის მოზარდთან ახლა ფსიქოლოგები მუშაობენ.
⭕ აგრეთვე დაგაინტერესებთ:
⭕„ჩვენი სიყვარული მარადიული იქნება“ - გიორგი ძოწენიძისა და მია მაჩაბლის რომანტიკული კადრები
