დღეს, 15 სექტემბერს, ახალი სასწავლო წლის ათვლა იწყება - თბილისში, 30-მდე საჯარო სკოლაში სწავლა სრულიად განახლებულ გარემოში დაიწყო.
წელს სკოლაში, პირველად, 45 000 პირველკლასელი მივა.
საერთო ჯამში 180-მდე სკოლა იწყებს დედაქალაქში სასწავლო პროცესს.
სკოლებში სიახლეებია - დაწყებით საფეხურზე ბავშვები ფორმებით ივლიან.
ასევე, შეიცვალა ეროვნული სასწავლო გეგმა და განახლდა საგნობრივი სტანდარტები, მოსწავლეებს სხვადასხვა საგანში უკვე ახალი სახელმძღვანელოები დახვდებათ, დაწყებით საფეხურზე 100 სკოლაში იხსნება რობოტიკის კლუბი, ხოლო საბაზო საფეხურზე, დამატებით, 100 სკოლაში იხსნება სტემ კლუბი, ფართოვდება „სამხედრო საქმის" პროგრამა.
ასევე, სკოლებში ამოქმედდა მობილური ტელეფონებისა და ჭკვიანი საათების გამოყენების შეზღუდვის წესი და სკოლები შესაბამისი დაცული სათავსოებით აღიჭურვა, მოსწავლეებს ემატებათ ახალი არჩევითი კურსებიც.
ასევე დაგაინტერესებთ:
⭕ფეიქრების ქუჩაზე, „ნოვას“ საწარმოში CO-ს რეზერვუარი აფეთქდა - დეტალები
⭕როგორი ამინდია მოსალოდნელი 15 სექტემბერს საქართველოში?
წყარო: rustavi2.ge
