ამერიკაში მცხოვრები მუსიკოსი, შემსრულებელი ნუცა შანშიაშვილი საზოგადოებისთვის საყვარელი არტისტია. იგი განსაკუთრებულად უყვართ, როგორც საქართველოში, ასევე მის ფარგლებს გარეთ, ამასთან დიდი პოპულარობით სარგებლობს ნუცასა და ანრი ჯოხაძის დუეტი – „მაჩუქე ფრთები“.
ამჯერად არტისტი დიდხნიანი პაუზის შემდეგ სოციალურ ქსელში „იუთუბის“ არხით დაბრუნდა, სადაც ღირსებაზე საუბრობს:
„ძალიან რთულია ხელოვანმა ცხოვრება განვლოს ღირსეულად, რატომ? იმიტომ, რომ დგები ძალიან დიდი გამოწვევის წინაშე, ეშმაკი გამოდის პირველ ფლანგზე, იწყებს შენს მართვას. ამ დროს შენ ხდები ეგოს მონა, პოპულარული, გინდება მეტი ტაში, წარმატება და ამ მომენტში ვეღარ თოკავ თავს, ვეღარ ხვდები რომ ამ ყველაფერში შეიძლება დაკარგო ყველაზე მნიშვნელოვანი რამ, ღირსება, ადამიანური სახე.
როდესაც შენ შენი ეგოს მონა ხდები, კარგავ ყველაზე ძვირფას ღირებულებას. ეშმაკი ხელს გაწერინებს ძალიან ბევრ ცუდ რამეზე. ღირსებაზე ძვირფასი არაფერი არ არის“, - ამბობს ნუცა შანშიაშვილი.
ასევე დაგაინტერესებთ:
