ბათუმელი 32 წლის მარინე ფუტკარაძე 16 წლის იყო, როცა მსოფლიო ჩემპიონი გახდა მკლავჭიდში. 2011 წელს თურქეთში, ანტალიაში გამართულ შეჯიბრებაზე კი ნაკრებში მეორე ადგილი დაიკავა. სპორტსმენის პირველი ოქროს მედალი ბრაზილიაში მოიპოვა.
მარინე ფუტკარაძე ბათუმის ბავშვთა სახლში გაიზარდა, იქ 12 წელი იცხოვრა. პირად ცხოვრებასა და კარიერაზე მან გადაცემაში „შუადღე“ ისაუბრა.
„18 წლის რომ გავხდი მამაჩემისგან გავიგე, რომ ორი და მყავდა. გავიცანი, მაგრამ ვერ ვიზამ მათთან იმას, რომ ურთიერთობა მქონდეს, არ შემიძლია. გავიზარდე, ვარ წარმატებული, მე თავად ვიპოვე ეგენი.
2 წელი ბავშვებს ვავარჯიშებდი, ევროპის ჩემპიონები გახდნენ, ამიტომ მომავალ წელს ბავშვთა სახლშიც გავივლი და მათაც ვავარჯიშებ, ყველაფერს გავუკეთებ.
მომავალ წელს უფრო მეტი უნდა გავაკეთო ამ სპორტში. მკლავჭიდის გარდა, მე არაფერი არ მინდა. ეს სპორტი არის ჩემი მთელი ცხოვრება”, - ამბობს მარინე ფუტკარაძე.
აგრეთვე დაგაინტერესებთ:
🎥 „სიზმარში რაც ვნახეთ, მისი შეცვლა შეგვიძლია“ - როგორ მივხვდეთ სიზმარი წინასწარმეტყველურია თუ არა?
