24 აგვისტოს მამუკა ჩარკვიანი 70 წლის გახდებოდა, მომღერალი რამდენიმე დღის წინ ხანგრძლივი ავადმყოფობის შედეგად გარდაიცვალა. დღეს, 24 აგვისტოს იგი საკუთარ დაბადების დღეზე, საბურთალოს სასაფლაოზე დაკრძალეს.
იქამდე კი ქაშვეთის ეკლესიაში სამოქალაქო პანაშვიდი მიმდინარეობდა, სადაც ქვეყნის პრეზიდენტი, პრემიერ მინისტრი, პარლამენტის თავმჯდომარე და მმართველი გუნდის ლიდერები იმყოფებოდნენ.
მამუკა ჩარკვიანს ემოციურად იხსენებს და ლექსს უძღვნის ნინო ევგენიძე:
„ჩემს ძმას,
მამუკა ჩარკვიანს
…
ზეცას დაუბრუნდება
მისი შვილი-
მამუკა…
აღარ იძვრის
დღეს დრო წინ…
არ ბრუნდება
დრო უკან…
შენ სამყაროს აჩუქე
ანგელიზთა სიმღერა…
დაიბადე და გაფრინდი
ამ დღემ ასე იჟღერა…“, - წერს ნინო ევგენიძე.
ქართველი მუსიკოსი და კომპოზიტორი 69 წლის ასაკში გარდაიცვალა. იგი 1995 წლიდან აქტიურად გამოჩნდა მუსიკალურ სცენაზე.
მომღერალს გამოცემული აქვს რამდენიმე ალბომი და მიღებული აქვს არაერთი ჯილდო. 2014 წელს ფილარმონიის დიდი საკონცერტო დარბაზის წინ გაიხსნა მამუკა ჩარკვიანის ვარსკვლავი. 2023 წელს გახდა თბილისის საპატიო მოქალაქე. დაჯილდოებულია ღირსების ორდენით.
⭕ ასევე დაგაინტერესებთ:
🎥 თუშეთში, რამდენიმე საათია ხანძარია
⭕ მამუკა ჩარკვიანს დღეს დაკრძალავენ
🎥 ჟურნალისტ გიორგი კობერიძის გარდაცვალებიდან ერთი წელი გავიდა
