სან-სებასტიანის 74-ე საერთაშორისო კინოფესტივალზე ბრედ პიტი ახალი იმიჯით გამოჩნდა. 23 სექტემბერს მსახიობი საკონცერტო დარბაზ Kursaal-ში თავისი ახალი ფილმის, "Heart of the Beast", პრემიერას დაესწრო.
საზეიმო ღონისძიებისთვის 62 წლის პიტმა კლასიკურ კოსტიუმზე უარი თქვა და არჩევანი სრულად ჯინსის სამოსზე შეაჩერა. მსახიობმა კლასიკური ჭრის, დიდი ჯიბეებითა და კონტრასტული ნაკერებით გაფორმებული ჯინსის ქურთუკი ოდნავ ღია ფერის, თავისუფალი ჭრის ჯინსის შარვალს შეუხამა.
ქურთუკის ქვეშ პიტს ვერტიკალური ზოლებით გაფორმებული ღია ფერის პერანგი ეცვა. თავისუფალ კომპლექტს მან ნაზი ვარდისფერი ჰალსტუხი შეუხამა. იმიჯს ავსებდა ოდნავ შეფერილი მინისა და ლითონის ჩარჩოს მქონე მზის სათვალე, საათი, რამდენიმე სამაჯური და ბეჭედი.
ფოტოსესიაზე მსახიობი ფილმის რეჟისორ დევიდ ეიერთან და პროდიუსერ ოლივია ჰემილტონთან ერთად პოზირებდა.
"Heart of the Beast" ფესტივალის ოფიციალურ პროგრამაში კონკურსგარეშე მონაწილეობს. თრილერის მიხედვით, პიტი ყოფილ სპეცრაზმელს განასახიერებს, რომელიც ავიაკატასტროფის შემდეგ საკუთარ ძაღლთან ერთად ალასკის ველურ ბუნებაში გადარჩენას ცდილობს.
