ტელეეკრანებიდან გამქრალი ჟურნალისტი ხატია სიჭინავა სოციალურ ქსელში საკმაოდ აქტიურად გვიზიარებს ოჯახურ თუ ყოველდღიურ კადრებს საკუთარი ცხოვრებიდან. იგი თავისი ხმაურიანი განცხადებებით თუ შეფასებებით მუდამ საზოგადოების ყურადღების ცენტრში ექცევა და აქტუალობას ბოლო რამდენიმე წელია არ კარგავს.
ხატია სიჭინავას და სპორტსმენს, რამაზ ნოზაძეს 14 წლიანი სიყვარულის ისტორია აკავშირებთ. მათ ოთხი საერთო შვილი ჰყავთ.
ჟურნალისტი გადაცემის „დღის პოსტი“ სტუმარი იყო, სადაც შვილებთან ურთიერთობაზე ისაუბრა:
„ჩემთვის პრიორიტეტი იყო და არის რელიგია, სამწუხაროდ ფსიქოლოგიურად ძალიან სუსტი თაობა მოდის, ნებისმიერ შენიშვნაზე დეპრესია ემართებათ. ეს ალბათ იმის ბრალია, რომ მშობლები მასწავლებლებს სთხოვენ, შენიშვნა არ მისცენ.
სუბორდინაცია არ უნდა დაირღვეს დედასა და შვილს შორის, არ მინდა ჩემმა შვილმა აღმიქვას როგორც მისი დაქალი. მე თუ ჩემი პოზიცია არ მაქვს დაცული, ყველაფერს გამიბედავს!
ძალიან მკაცრი დედა ვარ, ჩემი შვილი სახელს ვერ დამიძახებს!“, - ამბობს ხატია სიჭინავა.
ასევე დაგაინტერესებთ:
