მუსიკოსი ზაზა ხუციშვილი ქართულ ტრადიციულ ოჯახში გაიზარდა. მისი ფესვები თელავიდან მოდის. დღემდე ამაყობს თავისი ოჯახით, მშობლებით. ამბობს, რომ ბევრი რამ სწორედ მათგან ისწავლა. ბევრმა ალბათ არ იცის, რომ „ვაკის პარკის“ სოლისტი ზაზა ხუციშვილი მუსიკით 20 წლის ასაკში დაინტერესდა. სწორედ ამ ასაკში დედის შუამავლობით მამას საკმაოდ ძვირად ღირებული, ოთხიათასმანეთიანი გიტარა აყიდვინა.
ზაზა საკმაოდ გვიან, 39 წლის ასაკში დაოჯახდა. მის მეუღლესა და პირად ურთიერთობაზე მუსიკოსმა გადაცემაში „ნიკოლოზის კითხვები“ ისაუბრა.
„გამომიარა მეგობარმა, დაღლილი ვარ და მითხრა დაჯექი საჭესთანო.
სილამაზის სალონიდან გამოვიდა ხათუნა, აჩერებდა მანქანას და თქვა ვიცნობო, წავიყვანოთო. რომ შევხედე საოცრად მომეწონა. მიდიოდა გამოფენაზე.
გზაში შეგვხვდა მეგობარი, მოვიკითხეთ, მკითხა როგორ ხარო და აი, ცოლი მოვიყვანე - მეთქი და ვალერი საშინლად გაბრაზდა, არ უნდოდა ხათუნა უხერხულში ჩავარდნილიყო“, - იხსენებს ზაზა ხუციშვილი.
ასევე დაგაინტერესებთ:
🎥 საიდან მოდის ხალხური გამონათქვამი - ნინიას ბაღი კი არ არის
