რამდენიმე დღის წინ, ინტერნეტსივრცე 8 წლის გოგონას ცეკვის ვიდეომ მოიცვა – მარიამ შეყელაშვილი საოცარი არტისტიზმით ასრულებს „საზანა ლორკეს“.
მარიამის ცეკვამ და სამსახიობო ნიჭმა სოციალური ქსელის მომხმარებლები აღაფრთოვანა, კადრებს უამრავი გამოხმაურება და მოწონება აქვს.
პატარა გოგონა „დილა მშვიდობისა საქართველოს“ ეთერში იყო სტუმრად, სადაც განაცხადა, რომ უნდა მსახიობი გამოვიდეს.
„სკოლის ზეიმზე ვიცეკვე, მასწავლებელმა მითხრა ხომ არ იცეკვებო და დავეთანხმე, ეს ცეკვა მე დავდგი“, - ამბობს გოგონა.
როგორც გადაცემის წამყვანმა აჩიკო სოლოღაშვილმა ეთერში აღნიშნა, მარიამი ძალიან ნიჭიერი გოგოა.
„ძალიან არტისტული გოგო ხარ, ეს შიგნით ან გაქვს ან არა, ეს რასაც შენ აკეთებ არ ისწავლება“, - ამბობს აჩიკო.
⭕ აგრეთვე დაგაინტერესებთ:
⭕ „ჩემს გოგონებს ზეიმი ჰქონდათ...“ – რა ფოტოებს აქვეყნებს გია ბაღაშვილი
