საქართველოს 20-წლამდელთა სარაგბო ნაკრებმა, რომელიც სამხრეთ აფრიკაში საერთაშორისო სერიის გასამართად იმყოფება, პირველი ტესტი ჩაატარა და ფიჯის 29:23 სძლია.
ვიტო კოლელიშვილის შეგირდებმა ქეიფთაუნში, სიტი პარკზე გამართული მატჩის პირველი ტაიმი 12:20 წააგეს, თუმცა, მეორე ნახევარში კუნძულელებზე უკეთ გამოიყურებოდნენ და მეტოქეს 3 უპასუხო ლელო დაუდეს.
ქართველი 20-წლამდელები სამხრეთ აფრიკაში კიდევ ორ შეხვედრას ჩაატარებენ. უმცროსი ბორჯღალოსნები 26 მაისს ჩილეს გაეჯიბრებიან, 30-ში კი – მასპინძელ ჯუნიორ ბოკეს.
მსოფლიოს 2026 წლის ჩემპიონატი 27 ივნისიდან 18 ივლისის ჩათვლით საქართველოში ჩატარდება. მასპინძელი ქალაქები თბილისი და ქუთაისი იქნებიან.
⭕ ასევე დაგაინტერესებთ:
