საქართველოს ეროვნული ნაკრებისა და კლუბ „ზესტაფონის“ ყოფილი ფეხბურთელი, ჯაბა დვალი გარდაიცვალა. ამის შესახებ ინფორმაციას საფეხბურთო კლუბ „ზესტაფონის“ ოფიციალური გვერდი ავრცელებს:
„უდიდესი გულისტკივილით უნდა გაცნობოთ, რომ გარდაიცვალა წარსულში ჩვენი კლუბის ლეგენდარული ფეხბურთელი და ეროვნული ნაკრების წევრი, საფეხბურთო კლუბ „ზესტაფონის“ გენერალური დირექტორი ჯაბა დვალი“, - აღნიშნულია კლუბ „ზესტაფონის“ ოფიციალურ გვერდზე გავრცელებულ ინფორმაციაში.
როგორც პოსტის კომენტარებიდან ირკვევა, ფეხბურთელის გარდაცვალების მიზეზი ინფარქტია.
„ინფარქტი და გულის გაჩერება გადაიტანა ერთი კვირის წინ და განმეორდა ამ დილით. ინფარქტი და 4 წუთამდე გულის გაჩერება ჰქონდა. „გერმანულ ჰოსპიტალში“ სტენტი ჩაუდგეს და გუშინწინ გაწერეს“, - წერენ კომენტარებში.
⭕ ასევე დაგაინტერესებთ:
⭕ გურამ კაშია ეროვნული ნაკრებიდან ტაშით გააცილეს
⭕ გარდაიცვალა ცნობილი ქართველი ჟურნალისტი ვახტანგ კობაიძე
⭕გვიან ღამით მტკვარში მანქანა გადავარდა - სამაშველო სამუშაოები ამ დრომდე მიმდინარეობს
