სანაკრებო პაუზის შემდეგ გიორგი გულიაშვილმა ესპანეთის ლა ლიგა 2-ში ითამაშა და გოლი გაიტანა, სანტანდერის „რასინგმა“ კი შინ „ხიხონი“ დაამარცხა – 3:1.
33-ე ტურის დაპირისპირებაში გულიაშვილი მასპინძელთა სასტარტო შემადგენლობაში იყო, 80 წუთი ითამაშა და მე-10 წუთზე, კუთხურიდან მოწოდებული ბურთის შემდეგ ანგარიში გახსნა. 90+1-ე და 90+7-ე წუთებზე კი ასიერ ვილალიბრემ დუბლი შეასრულა.
საქართველოს ნაკრების თავდამსხმელი მატჩის საუკეთესო მოთამაშედ დასახელდა.
ლა ლიგა 2-ში ჩატარებულ 10 შეხვედრაში გულიაშვილის ანგარიშზე უკვე სამი გოლი და ერთი საგოლე გადაცემაა. „რასინგი“ კი 33 ტურის შემდეგ 62 ქულით პირველ ადგილზეა და ლა ლიგაში გადასვლის ერთ-ერთი ყველაზე რეალური კანდიდატია.
⭕ ასევე დაგაინტერესებთ:
⭕ როგორი ამინდია მოსალოდნელი 2 აპრილს საქართველოში
🎥 „ორი თაღლითი შეხვდა ერთმანეთს“: ვინ გახდა ქართველი იუთუბერის მწვავე კრიტიკის ობიექტი?
წყარო: 1tv.ge
