საქართველოს ეროვნული ნაკრების 2023-2024 წლების სეზონის საუკეთესო დებიუტანტი გიორგი ქოჩორაშვილი გახდა – ასეთია გაზეთ „სარბიელის“ ტრადიციული გამოკითხვის შედეგები.
გიორგი ქოჩორაშვილმა საქართველოს ეროვნულ ნაკრებში პირველად 2023 წლის სექტემბერში ითამაშა და მას შემდეგ გუნდის შეუცვლელ მოთამაშედ იქცა. მან „ჯვაროსნების“ ფორმით ჩატარებულ 14 შეხვედრაში 2 გოლი გაიტანა.
ქოჩორაშვილი მონაწილეობდა ევრო 2024-ის პლეი ოფის ორივე მატჩში, 2024 წლის 26 მარტს საბერძნეთის წინააღმდეგ პენალტების სერიაში პირველი დარტყმა შეასრულა.
ზაფხულში გიორგიმ საქართველოს ნაკრებთან ერთად ევრო 2024-ის ყველა მატჩი ჩაატარა. პირველ მატჩში თურქეთთან, 32-ე წუთზე, გიორგი მიქაუტაძემ საქართველოს სახელით ევროპის ჩემპიონატზე პირველი გოლი მისი გადაცემით გაიტანა.
ეროვნული ნაკრების საუკეთესო დებიუტანტს გაზეთი „სარბიელი“ მეოთხე სეზონია ავლენს. გამარჯვებულს ლევან ვარდოსანიძისა და თემურ ლომიძის მიერ დამზადებული პრიზი გადაეცემა – გიორგი ხვედელიძის პერსონაჟის ფიგურა კინოფილმიდან „ფეოლა“.
„სარბიელის“ ტრადიციულ გამოკთხვაში ჩვენი კოლეგების რეკორდული რაოდენობა, 86 სპორტული ჟურნალისტი მონაწილეობდა. შედეგები სასტუმრო „შერატონი მეტეხში“ გამოცხადდა.
აგრეთვე დაგაინტერესებთ:
🎥 „არ არსებობს სიკეთე გააკეთო და განსაცდელი არ მოჰყვეს...“ - რას ამბობს მამა თეოდორე გიგნაძე
🎥 „სოფელში არ გვქონდა შესაძლებლობა სიმღერას გავყოლოდი…“ - თორღვას გზა რაგბიდან სიმღერამდე
წყარო: 1tv.ge
