ვანის მუნიციპალიტეტში, სოფელ დიხაშხოში ქვეწარმავლები მომრავლდნენ. დიდი რაოდენობით გველები სოფელში ერთ-ერთ ოჯახში იპოვეს.
სახლში, სადაც ორი არასრულწლოვანი ცხოვრობს, ათეულობით ქვეწარმავალი აღმოაჩინეს.
ვანის მერის ალექსანდრე გოგორიშვილის თქმით, მდგომარეობა იმდენად რთული იყო, რომ თბილისიდან სპეციალური ჯგუფის გამოძახება გახდა საჭირო.
„ოჯახში ორი მცირეწლოვანია. გველები სახლის კედლებსა და ჭერში იყვნენ დაბუდებული. ოჯახის წევრებს ღამით შიშინი ესმოდათ. ხუთი კაცი მუშაობს ადგილზე. როდესაც მოგვმართა ოჯახმა, სარეზერვო ფონდიდან სასწრაფოდ გამოვყავით თანხა და დავეხმარეთ. სახლი გალესილი არ არის და როგორც ჩანს, ამიტომ მოხვდნენ გველები შიგნით. როდესაც ეს სამუშაოები დასრულდება, ოჯახს სახლის გალესვაშიც დავეხმარებით“, -ამბობს ალექსანდრე გოგორიშვილი.
ასევე დაგაინტერესებთ👇
„გთხოვთ, თუ ვინმეს გაქვთ საშუალება შეიფაროთ დროებით ოჯახი“ - სოფო ჭყონია საზოგადოებას მიმართავს
იპოვეს კაცი, რომელმაც მატარებელში 5000 დოლარი დაკარგა
წყარო: rustavi2.ge
