კომპანია „ჯორჯიან უოთერ ენდ ფაუერი“ (GWP) სპეციალურ განცხადებას ავრცელებს და დედაქალაქის მოსახლეობას გეგმური სამუშაოების შესახებ აფრთხილებს.
კომპანიის ინფორმაციით, 17 ივნისს კრწანისის რაიონში, გულუას ქუჩა N4-თან, წყალმომარაგების სტაბილურობისთვის აუცილებელი ტექნიკური სამუშაოები ჩატარდება. ტექნიკური ჯგუფები სამუშაოებს 17 ივნისის საღამოს, 22:00 საათზე დაიწყებენ და მთელი ღამის განმავლობაში, ინტენსიურ რეჟიმში შეასრულებენ.
სამუშაოების მიმდინარეობისას აუცილებელია მაგისტრალური ქსელის წყლისგან დაცლა, რის გამოც 17 ივნისის საღამოს 22:00 საათიდან 18 ივნისის დღის 12:00 საათამდე წყალმომარაგება შეეზღუდებათ შემდეგ მისამართებს:
კრწანისის რაიონში:
გულუას, დავითაშვილის, ცოლიკაურის, ჟორდანიასა და გორგასლის ქუჩებს (ჩიხებითა და შესახვევებით).
ისნის რაიონში:
დოდაშვილის, წულაძის, ბერი გაბრიელ სალოსისა და ჰორბრუკის ქუჩებს.
„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის.
კომპანიაში აღნიშნავენ, რომ წყალმომარაგების შეზღუდვისა და აღდგენის შესახებ ინფორმაციას აბონენტებს წინასწარ, SMS-შეტყობინების სახით უგზავნიან. დეტალური ინფორმაციის მოძიება ასევე შესაძლებელია კომპანიის ცხელი ხაზის (032) 2 93 11 11 და ოფიციალური ფეისბუკგვერდის საშუალებით.
