მამა გურამ ოთხოზორია Podcasthub-ის სტუმარი გახლდათ და ლაზარეს აღდგომის შესახებ ისაუბრა. მისი თქმით, უფალს სჭირდება ადამიანების მიმღეობა, მზაობა, რათა მიიღოს ქრისტე.
„ვისაც შეუძლია ლაზარე აღადგინოს არ შეუძლია ეს „ლოდინის ლოდი“ თქვას და გადააგოროს?! როგორ არა, უბრალოდ მას სჭირდება შენი სურვილი, რათა ღვთაებრივმა გრძნობამ გაიღვიძოს შენში.
ფარისევლებმა პირდაპირ უთხრეს, რას გვაწვალებ გვითხარი ქრისტე ხარ თუ არაო. მას არ შეუძლია თქმა, მას არ შეუძლია ძალით შიში დანერგოს. „მე სარკე ვარ“. უნდა ჩაიხედო და დამინახო. მე არსად არ ვარ, მე შენთან ვარ, შენში ვარ“, - ამბობს ოთხოზორია.
