28 აგვისტოს მართლმადიდებელი ეკლესია მარიამობას ანუ ყოვლადწმინდა ღვთისმშობლის მიძინების დღესასწაულს აღნიშნავს.
ყოვლადწმინდა ღვთისმშობლის მიძინების დღე (მარიამობა) თორმეტთაგან ერთი საუფლო დღესასწაულია.
მწერალი გია მურღულია სოციალურ ქსელში სტატუსს აქვეყნებს და საზოგადოებას მარიამობას ულოცავს:
„ის არის ვენახი და ის არის მზე.
ის არის ღვთაებრივი ძის დედა.
ის არის სიყვარული და მფარველი.
ის არის ისეთი ლამაზი, როგორიც თვითონ.
ის არის დარდის გამამშვენიერებელი.
ის არის იაკობის კიბე - ცისა და მიწის დიადი დამაკავშირებელი.
ის არის სევდის სინათლე.
ის არის მაყვლის ბუჩქი სინას მთაზე, რომელსაც ღვთაებრივი ცეცხლი მოეკიდა და არ დაიწვა.
ის არის ადამიანთა სასიკეთო შთაგონება და მათ შორის საუკუნოდ გამორჩეული.
ის არის იმედი, სასოება, სიხარული და ბედნიერება.
ის არის მარადიული უბიწოება.
ის არის ყველაზე სრული ცრემლი და ღიმილი.
ის არის მოალერსე („ელეუსა"), გზის მაჩვენებელი („ოდიგიტრია"), მავედრებელი („დეისუსი") და მოწყალე („გლიკოფილუსა") - ოთხივე ამ სახით ყოველდღე მსჭვალავს ქრისტიანის ცხოვრებას.
მარიამობას გილოცავთ, მეგობრებო!
დაე, ყოვლადწმინდა ღვთისმშობელმა თავის ღვთაებრივ ძეს შეავედროს ჩვენი საქართველო, თითოეული თქვენგანი და ყველა, ვინც გიყვართ“, - წერს გია მურღულია.
⭕ ასევე დაგაინტერესებთ:
⭕როგორი ამინდი იქნება 28 აგვისტოს საქართველოში - ტემპერატურა ქალაქების მიხედვით
⭕ ნინი ბადურაშვილის გლამურული ლუქი - მომღერალი ვენეციის კინოფესტივალზე იმყოფება
⭕28 აგვისტოს მართლმადიდებელი სამყარო მარიამობის დღესასწაულს აღნიშნავს
