პედი პიმბლეტი ილია თოფურიას პროვოცირებას აგრძელებს. სკანდალურმა მებრძოლმა განაცხადა, რომ ორი დივიზიონის ყოფილ ჩემპიონთან ჩხუბი გარდაუვალია და ის აუცილებლად მოიგებს. შეგახსენებთ იმასაც, რომ ინგლისელი მსუბუქწონოსანი რამდენიმე დღეში ბენუა სენ-დენის დაუპირისპირდება.
„თოფურია არ არის ნამდვილი მებრძოლი, რადგან ის სკამზე დანებდა. ეს არაა ჩემი სიტყვები, ეს არის ფაქტი! მას დაუმარცხებლობა უმაგრებდა ზურგს, გეიჯისთან წაგების შემდეგ კი ილიამ თავისი აურა დაკარგა. მისგან განსხვავებით მე ვიცი, თუ როგორ უნდა დავბრუნდე წარუმატებლობის შემდეგ.
თოფურია არ იყო ამისთვის მზად და ახლა არ იცის, რა უნდა ქნას. ჩვენი ბრძოლა გარდაუვალია და მას მეც დავამარცხებ, თუმცა მერჩივნა ეს წაუგებელ ილიასთან გამეკეთებინა. ვიცოდი, ჯასტინი მოუგებდა, მეც მოვუგებ", - განაცხადა „ბედიმ".
⭕ ასევე დაგაინტერესებთ:
