🎥 „მღვდლობის მოწოდება არ არის ექსტაზი, რომელშიც შეგიძლია ჩავარდე და ამით სიამოვნება მიიღო, ეს არის პასუხისმგებლობა და საუკუნო ბეჭედი...“ - მამა იორონიმე

„ვფიქრობ, რამდენ მღვდელსაც არ უნდა დაუსვა ეს შეკითხვა, იმდენ განსხვავებულ პასუხს მიიღებ, იმიტომ, რომ თითოეული ჩვენგანის გამოცდილება არის ძალიან განსხვავებული და ინდივიდუალური. 

მოწოდება ჩემთვის არის ორი ტიპის: ერთი გარეგანი, მეორე შინაგანი. არის მომწოდებელი გარეგნულად და არის მოწოდება, რაც შიგნიდან მოდის. 

ჩემს შემთხვევაში, ვფიქრობდი, რომ მოწოდება მაშინ იქნებოდა გამართლებული, თუ მომწოდებელსა და ჩემს მოწოდებულს შორის სინერგიული ბმაა, ანუ კავშირი იქნებოდა. როდესაც ვსაუბრობთ მღვდლობის მოწოდებაზე, აქ უნდა განვასხვაოთ ერთი რამ, ეს არის ემოცია და ემოციური გადაწყვეტილება, მეორეს მხრივ, გადაწყვეტილება,  რომელიც იმდენად სერიოზულია, რომ საუკუნოდ ასახავს შედეგებს შენზე. 

მღვდლობის მოწოდება არ არის ექსტაზი, რომელშიც შეგიძლია ჩავარდე და ამით სიამოვნება მიიღო. მღვდლობა არის პასუხისმგებლობა, სერიოზული, საუკუნო გადაწყვეტილება, რომლითაც დაბეჭდილი ხარ ქრისტეს და ქრისტეს ერთიანი მისტიკური სხეულის, ეკლესიის წინაშე და შესაბამისად, ჩემი მოწოდება ვიპოვე მაშინ, როცა მივხვდი, რომ ჩემი შინაგანი მოწოდება დროს არ ექვემდებარებოდა, ის დროისა და სივრცის მიღმა იყო“, - ამბობს მამა იორონიმე.

ასევე დაგაინტერესებთ:

🎥 „არ ვფიქრობ, რომ მღვდლობა არის ჩემი გზა... არჩევანის თავისუფლება პიროვნების ღირებულებაა“ - რატომ გადაწყვიტა ირი­ნე­ოს შენ­გე­ლიამ მღვდლობა

⭕„სილამაზეც გენეტიკაა, მართლაც შეუდარებელი დედა-შვილი“ - ნინი ბადურაშვილი და ეკა კახიანი ფოტოგრაფის ობიექტივში

⭕„ყურადღება მიაქციეთ წყლის ბალანსს ორგანიზმში, თირკმელებს და ემოციურ ფონს“ - 13 მაისის ტაროლოგიური პროგნოზი