საქართველოს წარმომადგენელი ევროვიზია 2025-ზე მომღერალი მარიამ შენგელია იქნება, ამის შესახებ ცნობილი ცოტა ხნის წინ გახდა, რაც „საზოგადოებრივმა მაუწყებელმა“ მისი სიმღერა გამოაქვეყნა. მარიამ შენგელია სტუმრად გადაცემაში „ახალი დღე“ იმყოფებოდა, სადაც კონკურსზე და მის ნომერზე ისაუბრა:
„ძალიან დიდი შემართებით მივდივარ, ამხელა აუდიტორიის წინაშე ჩემი ქვეყნის სახელით წარდგომა დიდი გამოწვევაა. ყველაფერს ვაკეთებ იმისთვის, რომ ძალიან კარგად წარვადგინო ჩვენი ქვეყანა ევროვიზიაზე. ევროვიზიის სცენაზეც ვიხილავთ ხორუმს, თუმცა არა ამხელა შემადგენლობით. იმიტომ რომ როგორც ვიცი სცენაზე უნდა იდგეს ცოტა მონაწილე. ამიტომ მომყვება ოთხი უკარგესი ბიჭი, ერისიონის მოცეკვავე და მინდა დიდი მადლობა გადავუხადო მათ, რომ გამილამაზეს ნომერი და კლიპი. პრე-კონცერტები აქვს ევროვიზიას, ჩვენ მივდივართ ამსტერდამსა და მადრიდში.
წელს 18 სიმღერა იყო გაგზავნილი როგორც ვიცი. ქეთი გაბისიანი არის სიმღერის ავტორი, ბუკა კარტოზია ტექსტის. ჩვენი სიმღერა იყო არჩეული, რადგან აქ იყო ქართული ელემენტები და ალბათ ამას მიექცა დიდი ყურადღება. „მშვიდობა“ ჰქვია სიმღერას და მესიჯიც ნათელია ამით“, - ამბობს მარიამ შენგელია.
⭕ ასევე დაგაინტერესებთ:
⭕„გახდი ინფლუენსერი და ფული თავისით მოვაო...“ - რას წერს ნინო მუმლაძე?
⭕„კარგად მახსოვს, გალაკტიონს კალთაში ვუჯდებოდი...“ - რას ჰყვება მანანა მენაბდე?
