საქართველოს პრეზიდენტმა სალომე ზურაბიშვილმა „მთავარი არხის“ გენერალური დირექტორი, ნიკა გვარამია შეიწყალა.
გვარამიას 3 წლითა და 6 თვით თავისუფლების აღკვეთა ჰქონდა მისჯილი.
ამ ამბავს უკრაინელი პოლიტიკოსი - ლიზა იასკო გამოეხმაურა და აღნიშნა, რომ საჭიროა საქართველოს მესამე პრეზიდენტი - მიხეილ სააკაშვილიც შეიწყალოს.
„ჩემი მიმართვა საქართველოს პრეზიდენტს - სალომე ზურაბიშვილს, მიხეილ სააკაშვილის შეწყალებასთან დაკავშირებით.
ნიკა გვარამიას შეწყალება კარგია, მაგრამ არ უნდა დაგვავიწყდეს, რომ ერთადერთი ადამიანი, ვინც უნდა შეიწყალოს იმისთვის, რომ ქართული პოლიტიკისა და საზოგადოების დეპოლარიზაცია გახდეს შესაძლებელი, არის მიხეილ სააკაშვილი.
ვიცი, რომ ძალიან რთულია თქვენთვის და დიდი წნეხის ქვეშ ხართ, მაგრამ არსებითი მნიშვნელობა აქვს სააკაშვილის ქვეყნიდან გაყვანას.
მან დიდი ფასი გადაიხადა, ჯანმრთელობა დაკარგა. დროა, გადადგათ ეს ნაბიჯი და შეიწყალოთ სააკაშვილი.
ეს ბევრ პრობლემას მოაგვარებს!“, - წერს იასკო.
View this post on Instagram
ასევე დაგაინტერესებთ:
🎥 ტელეწამყვანების რეაქცია, როდესაც პირდაპირ ეთერში შეიტყვეს, რომ პრეზიდენტმა ნიკა გვარამია შეიწყალა
