33 წლის ქართველი ჩოგბურთელი ნიკოლოზ ბასილაშვილი 2025 წლის პირველი მასტერსის ტურნირის, ინდიან ველსის საკვალიფიკაციო ეტაპზე ითამაშებს.
პრესტიჟული ტურნირის საკვალიფიკაციო ეტაპის პირველ წრეში ბასილაშვილის მეტოქე ამერიკელი კრისტოფერ ეუბენკსი იქნება, შეხვედრა 4 მარტსაა ჩანიშნული.
ეუბენკსთან წარმატებული თამაშის შემთხვევაში, ტურნირის ძირითად ბადეში მოსახვედრად, ქართველი ჩოგბურთელი სლოვაკ იოზეფ კოვალიკისსა და იაპონელ იასუტაკა უჩიამას შორის გამარჯვებულს დაუპირისპირდება.
ნიკოლოზ ბასილაშვილი 2021 წელს ინდიან ველსის 1000-ქულიანი მასტერსის ფინალში გავიდა. მაშინ გადამწყვეტი შეხვედრა მან ბრიტანელ კამერონ ნორისთან სამ სეტში დათმო.
ამჟამად ქართველი ჩოგბურთელი პროფესიონალ მამაკაც ჩოგბურთელთა მსოფლიო რეიტინგში 152-ე ადგილზეა.
⭕ აგრეთვე დაგაინტერესებთ:
⭕„დედა, ყველაფერი კარგის საწყისი და უსასრულობა“ - თიკა ფაცაციას დედას დედის დღეს ულოცავს
