ორი გოლი გოჩოლეიშვილის აქტიურობით - „ჰამბურგმა“ ზივზივაძის „ჰაიდენჰაიმი“ დაამარცხა

მე-4 ტურის დაპირისპირებაში გიორგი გოჩოლეიშვილი მასპინძელთა ძირითად შემადგენლობაში იყო, 86-ე წუთზე შეცვალეს და „ჰამბურგში“ ერთ-ერთი გამორჩეული გახლდათ – გიორგიმ 7,2 შეფასება მიიღო. ბუდუ ზივზივაძეს კი დისკვალიფიკაციის გამო სამი თამაშის გამოტოვება მოუწევს და განაცხადში არ იყო.

„ჰამბურგმა“ ანგარიში 42-ე წუთზე ქართველი მცველის აქტიურობის შემდეგ გახსნა. გოჩოლეიშვილის დარტყმული ბურთი მცველმა მოიგერია, დამატებაზე კი ლუკა ვუსკოვიჩმა გაიტანა. 59-ე წუთზე კი ქართველის გამწვავებული იერიშის შემდეგ ფაბიო ვიეირამ კარის წინ რაიან ფილიპს გადააწოდა და ანგარიში 2:0 გახადა.

მართალია, სტუმრებმა 90+3-ე წუთზე ადამ კოლეს გოლით სხვაობა შეამცირეს, მაგრამ „ჰამბურგმა“ სეზონში პირველად გაიმარჯვა და 4 ქულით მე-14 ადგილზე გადავიდა, ხოლო „ჰაიდენჰაიმი“ უქულოდ ბოლო, მე-18 პოზიციაზეა.

⭕ ასევე დაგაინტერესებთ:

⭕ როგორი ამინდია მოსალოდნელი დღეს საქართველოში

⭕როგორ გამოიყურებოდა ანუკი არეშიძე „თბილისობა 2025“-ზე

⭕სოფი ლორენი 91 წლის გახდა - „შენ ხარ ჩვენი სინათლე, სიცოცხლე და სიყვარული სამუდამოდ!“

წყარო: 1tv.ge