ჟურნალისტი გოდერძი შარაშია სოციალურ ქსელში იშხნის ტაძარზე ემოციურ პოსტს ავრცელებს.
მისი თქმით, ტაძარი აღდგენილია და ფრესკებს არ აწვიმს.
გოდერძი შარაშიას პოსტს უცვლელად გთავაზობთ:
თითქმის18 წელია ფრესკის ამ ნატეხს ვინახავ. ერთხელ ტაო-კლარჯეთში გადაღებაზე ყოფნისას იშხნის ტაძრის კედლებიდან ფრესკები ჩამოყრილი დამხვდა, მაშინ ეს ერთი ნატეხი წამოვიღე და იქვე ვთქვი, რომ როცა იშხანი აღდგებოდა ამ ნატეხს უკან დავაბრუნებდი.
ერთი კვირის წინ გიორგი კალანდია დაბრუნდა ტაოდან და გადაცემაში მოჰყვა მოგზაურობის ისტორია და თქვა, რომ ორი ქვეყნის თანამშრომლობით იშხანი აღდგენილია, გადახურულია - არ აწვიმს და კედლები აღდგენილია.
როცა მორიგ ჯერზე ისტორიულ ტაოში წავალ ფრესკის ამ ნატეხს დიდებულ იშხანს დავუბრუნებ“, - წერს გოდერძი შარაშია.
⭕ აგრეთვე დაგაინტერესებთ
