წელიწადის ამ დროს აქტუალური თემაა ვირუსული ინფექციები და თავის დაცვა!
ალბათ ყველას აინტერესებს რა ვირუსებია ამ სეზონზე გავრცელებული და რატომ არის ყველაზე საფრთხილო მათ შორის გრიპის ვირუსი? - აღნიშნულ საკითხებზე „ევრონიუსს“ ალექსანდრე გოგინავა ესაუბრა, რომელმაც საზოგადოებას რეკომენდაციები გაუზიარა:
„შემოდგომის მეორე ნახევარი გამოირჩევა რესპირატორული ინფექციების მატებით, ეს ინფექციები ძალიან მრავალფეროვანია, თუმცა ყველაზე მეტად გამოსაყოფია გრიპის ვირუსი, რაც გვიან შემოდგომაზე და ზამთრის პერიოდში გვხვდება.
რესპირატორულ ინფექციებს აქვთ მსგავსი სიმპტომები, ამიტომ ყურადღებას გავამახვილებ იმაზე, თუ როდის ვიფიქროთ, რომ ეს რესპირატორული ინფექციაა:
ყელის ტკივილი, სურდო, მშრალი ხველა, ტემპერატურის მატება - ასეთ დროს უნდა ვიყოთ ყურადღებით, უნდა დაიცვათ ზოგადი წესები და დააკვირდეთ დინამიკას.
გრიპს უეცარი დასაწყისი ახასიათებს და მიმდინარეობს მაღალი ტემპერატურით, რაც შეიძლება 5-7 დღე გაგრძელდეს“, - ამბობს ალექსანდრე გოგინავა.
ასევე დაგაინტერესებთ:
⭕„პირველად ისტორიაში...“ - რა სასიხარულო ინფორმაციას აქვეყნებს ნუკი კოშკელიშვილი
