თბილისში მიმდინარე კვირის ბოლომდე ატმოსფერული ნალექი მოსალოდნელი არ არის. ამის შესახებ ქვეყნის მთავარი მეტეოროლოგები იუწყებიან.
დედაქალაქში, სადაც ავტომობილების გამონაბოლქვით და სხვადასხვა მშენებლობის გამო ჰაერში მყარი ნაწილაკების რაოდენობა ისედაც ნორმაზე მეტია, უნალექო ამინდი დამატებით საფრთხეებს ქმნის.
წვიმა ან თოვლი ჰაერს ამ მავნე ნაწილაკებისგან ასუფთავებს და ის მიწაზე ილექება. ასეთი ამინდის შედეგად კი, ნაწილაკები ჰაერში რჩება და ის ჩასუნთქვისას ადამიანების ორგანიზმში ხვდება. ზოგიერთი ნაწილაკი ადამიანის თმის ღერის სისქეზე 30-ჯერ მცირეა და არსებობს ამ ნაწილაკების არა მარტო ფილტვებში, არამედ სისხლში მოხვედრის საშიშროებაც.
სპეციალისტები ამბობენ, რომ დასახლებულ პუნქტში, განსაკუთრებით დიდ მეგაპოლისებში, წვიმას და ქარს უდიდესი მნიშვნელობა აქვს, რადგანაც ის ატმოსფერულ ჰაერს ასუფთავებს.
⭕ ასევე დაგაინტერესებთ:
⭕იოჰან სებასტიან ბახის დაკარგული ნაწარმოები 320 წლის განმავლობაში პირველად შესრულდა
