ყველასათვის საყვარელი მომღერლის ნატო გელაშვილის ოჯახი საზოგადოების გარკვეული ნაწილის მიერ ბულინგი მსხვერპლი გახდა.
გავრცელებული ცნობით, აღნიშნული ბულინგი 12 ივნისს, თბილისის სახელმწიფო უნივერსიტეტში {თსუ} გამართულმა კონცერტმა გამოიწვია, სადაც მან შვილებთან, ლუკასთან და გიორგისთან ერთად კონცერტი გამართა.
ძმებმა სოციალურ ქსელში განცხადება გაავრცელა, რომელიც ტელეწამყვანმა ნანუკა ჟორჟოლიანმა მოუწონა და მათი მისამართით სოციალურ ქსელში პოსტი გამოაქვეყნა, სადაც ბიჭებს მადლობა გადაუხადა.
ამ პოსტს ჭოხონელიძეები გამოეხმაურა და ნანუკას საპასუხო პოსტი დაუწერეს:
„ნანუკა, თქვენს გვერდში ჩვენ არასდროს დავდგებით!!
უფრო მეტიც, ღმერთმა დაგვიფაროს თქვენი გზებით ვიაროთ.
ადამიანი, რომელმაც რამდენიმე თვის წინ ჩვენი ყველაზე დიდი სიყვარული გაიმეტა საჯიჯგნად… დღეს მადლობას გვიხდის, რომ თურმე ნატოსთან ერთად სიარულს, მასთან ერთად სიარული ვარჩიეთ.
სასაცილოა“, - აღნიშნავდნენ ძმები ჭოხონელიძეები.
აღნიშნულ თემაზე ნატო გელაშვილმა მედიასთან კომენტარი გააკეთა და ჟურნალისტის კითხვას, როგორ მოქმედებს მასზე ეს ყველაფერი ასე უპასუხა:
„აღარ მოქმედებს. ჩემს ფსიქოლოგიურ მდგომარეობაზე რამაც იმოქმედა, ის დაღი დასმულია დღემდე.იმის მერე არაფერი აღარ მიკვირს და არც გამიკვირდება. ადამიანების განსასჯელია ვის რა მოსწონს, არც არავის მრწამსში ჩავრეულვარ. მე თუ ჩემი სადარდებელი მაქვს და ჩემს პოსტს ავტვირთავ, საქილიკოდ ნუ გახდი და საჯიჯგნად. არ დამიმსახურებია. არ გამომირჩევია ადამიანი, არც პარტიით, არც მეგობრობით, არც ვიღაცისთვის მიკრავს ხელი რომ რომელიმე პარტიაში იყო.
ნახევარ ქალაქს ვიცნობ და არასოდეს გამიყვია ქალაქი იმით, რომ ვიღაც ასე ფიქრობს და ან ისე. როდესაც ასეთ ადამიანს გაიმეტებ რომ ჯიჯგნონ, პასუხისთვისაც მზად უნდა იყო. ბიჭებს ალბათ დიდი დაღი დაასვა და გულისტკივილი ალბათ სწორედ ეგ არის. მე აღარც პოსტებს ვკითხულობ, მე დავწერე ჩემი გულისთქმა და დავამთავრე“, - ამბობს ნატო გელაშვილი.
⭕ ასევე დაგაინტერესებთ:
