საქართველო საბავშვო „ევროვიზია 2024“-ის გამარჯვებულია. ანდრია ფუტკარაძემ 239 ქულით საქართველოს საბავშვო ევროვიზიაზე მეოთხე გამარჯვება მოუტანა. ამ შედეგით საქართველო კონკურსის რეკორდსმენია.
ანდრია ფუტკარაძესთან ერთად ევროვიზიის სცენაზე პატარა მოცეკვავე, გაბრიელ მაჩაბელი წარდგა, რომელმაც მუსიკალური ნომერი ცეკვით გააფორმა.
გაბრიელის ცეკვის ვიდეოებმა სოციალური ქსელი მოიცვა, საზოგადოება წერდა, რომ მთავარი გმირი სწორედ იგი იყო. პატარა მოცეკვავე კამერებთან ალაპარაკდა და ემოციები საზოგადოებას გაუზიარა:
„ჩემი ოცნება იყო გავსულიყავი ევროვიზიის სცენაზე, როდესაც მოვიგეთ შოკირებული ვიყავი და ძალიან გამიხარდა. როდესაც ჩემს ვიდეოებს ვხედავ ძალიან მიხარია და მომწონს. ძალიან ბევრი რამ ხდებოდა. დიდი ეკრანი იყო დამონტაჟებული კულისებში, საიდანაც ყველაფერს ვხედავდით. ძალიან ცანცარა ვარ“, - ამბობს გაბრიელ მაჩაბელი.
@1tv.ge ✨🇬🇪 გაბრიელ მაჩაბელი საბავშვო ევროვიზიაზე #საბავშვოევროვიზია #jesc2024 #jescgeorgia #გაბრიელმაჩაბელი ♬ Beautiful Liar - Beyoncé & Shakira
ასევე დაგაინტერესებთ:
🎥 რა არის ჩიყვი და რა სიმპტომებით უნდა ამოვიცნოთ ის? - ექიმის რჩევები
🎥 ევროპის ჩემპიონატზე გასული საქართველოს 21 წლამდე ნაკრები სამშობლოში დაბრუნდა
