ძველი საბურთალოს მცხოვრებლები აღდგომის დღესასწაულს ასე აღნიშნავენ. ფოტო გადაღებულია ყოფილ საყდრის ქუჩაზე, დღევანდელი შარტავა, 1915 წელს. როგორც ამბიდან ირკვევა საბურთალო მაშინ ჯერ კიდევ არ იყო შემოერთებული თბილისს.
ამ ინფორმაციას და ფოტოს სოციალურ ქსელში, ჯგუფ ფოტო ამბებში მარგარეტ ბოჭორიშვილი ავრცელებს. როგორც ის წერს, აღნიშნული ფოტო მალხაზ უთმელიძის ფოტოებიდანაა, ეროვნული ფოტომატიანე.
,,ძველი საბურთალოს მცხოვრებლები აღნიშნავენ აღდგომის დღესასწაულს.1915 წელი.ფოტო გადაღებულია ყოფილ საყდრის ქუჩაზე (დღევანდელი შარტავას ქუჩა) მალხაზ უთმელიძის ფოტოებიდან.ეროვნული ფოტომატიანე” – წერს მარგარეტ ბოჭორიშვილი.
ფოტოს კომენტარებში უფრო ვრცელ ისტორიას წერს გიორგი პაიჭაძე:
,,ეს სურათი გადაღებულია 1915 წელს აღდგომა დღეს საბურთალოს წმინდა გიორგის სახელობის ტაძარი
-ს ეზოში. ეს იყო პირველი და ერთადერთი ტაძარი იმ პერიოდის საბურთალოზე, რომელიც ჯერ კიდევ არ იყო შემოერთებული თბილისს. ცენტრში ამ ტაძრის პირველი წინამძღვარი დეკანოზი გიორგი ჩიქოვანი, დიაკონი ასათიანი, ხიზანიშილი, მედუქნე ტიმოთე, ძმები უთმელიძეები, ძმები მამულაშვილები, ბუკია, იუნკერი და სხვა იქვე მცხოვრები საბურთალოელები“.
ასევე დაგაინტერესებთ:
