2024 წლის 18 სექტემბერს თბილისში, საკუთარ ბინაში ცნობილი ტრანსგენდერი ქალი, 36 წლის კესარია აბრამიძე მეზობლებმა დანით დაჩეხილი იპოვეს. სასამართლო ექსპერტიზამ დაასკვნა, რომ იგი სისხლისგან დაიცალა.
მოკლულის დედა გადაცემაში „სხვა ნანუკა“ ამბობს, რომ შვილის სიკვდილს ვერასდროს წარმოიდგენდა, თუმცა შვილს საფრთხეებზე ყოველთვის ესაუბრებოდა:
„არასდროს მიფიქრია, რომ კესოს მოკლავდნენ.
ისე, სულ ვაფრთხილებდი, ფრთხილად, ვინმემ რამე არ გაგიკეთოს -მეთქი, იმიტომ, რომ შე ყვირი ყველაფერს რაც გინდა, უყვარდა თავის გამოჩენა, ხალხი კი აგრესიულია, შურიანი და ამიტომ, სულ მეშინოდა, ვინმეს რამე არ გაეკეთებინა, მაგრამ სიკვდილი არასდროს მიფიქრია, ასეთი ამბავი ნამდვილად არ ვიცოდი, მე როგორც დედა, შემეძლო ზომები მიმეღო“, - ამბობს კესარია აბრამიძის დედა.
ცნობისთვის, კესარია აბრამიძის მკვლელი ბექა ჯაიანია.
თბილისის საქალაქო სასამართლომ 26 წლის ბექა ჯაიანი დამნაშავედ ცნო გენდერის ნიშნით, განსაკუთრებული სისასტიკით ჩადენილ განზრახ მკვლელობასა და სისტემატურ ძალადობაში. მოსამართლის გადაწყვეტილებით, მას სასჯელის სახედ უვადო პატიმრობა მიესაჯა.
ასევე დაგაინტერესებთ:
⭕7 ფრაზა, რომელიც ბავშვთან კონფლიქტს მშვიდობიან შეთანხმებად აქცევს, 7 ინტერაქციულ თამაშთან ერთად
⭕როგორ ვესაუბროთ ბავშვს ADHD-ით და შევცვალოთ ყოველდღიური ქაოსი? - ფსიქოლოგის რეკომენდაცია
