ტელეწამყვანი და ჟურნალისტი თამუნა მუსერიძე მრავალშვილიანი დედაა. იგი სოციალურ სივრცეში აქტიურობით გამოირჩევა, მეტიც თამუნა მუსერიძემ დააფუძნა ჯგუფი „ვეძებ“, რომლითაც საზოგადოებას დაკარგული და გაშვილებული ოჯახის წევრების პოვნაში ეხმარება.
ბოლო დროს იგი მედიის ყურადღების ცენტრში მოხვდა, რადგან მან 8-წლიანი ძებნის შემდეგ ბიოლოგიური მამა და დედმამიშვილები იპოვა. ტელეწამყვანის ბიოლოგიური მამა ზუგდიდში მცხოვრები, დამსახურებული ქორეოგრაფი, გურგენ ხორავაა.
ტელეწამყვანი გადაცემის „როგორ გადავრჩი“ სტუმარი იყო, სადაც მშობლების პოვნის ისტორია დეტალურად გაიხსენა:
„იმდენად უცნაურად მოხდა მშობლების პოვნა, რომ არ მჯეროდა. ერთ საღამოს მოულოდნელად, ანონიმურად ქალი მწერს, რომ ჩემს სოფელში იყო ადამიანი, რომელმაც 84 წლის სექტემბერში გააჩინა გოგონა, მაინც მოიძიე იქნებ შენ ხარ ამის შვილიო.
როგორც კი დავხედე სახელს და გვარს, იმ წამს მივხვდი, რომ ის ჩემი გამჩენი იყო.
წლების განმავლობაში მიგზავნიდნენ სხვადასხვა ქალების ფოტოებს, ისტორიებს, მაგრამ ვამბობდი ეს არ არის დედაჩემი. როგორც კი სახელს და გვარს დავხედე, მაშინვე ვთქვი, ეს არის დედაჩემი -მეთქი“, - თქვა თამუნა მუსერიძემ.
ასევე დაგაინტერესებთ:
🎥 „მიყვარხარ საქართველო“ - ანდრია ფუტკარაძის შთამბეჭდავი გამოსვლა საბავშვო ევროვიზიის სცენაზე
