ოკუპირებული აფხაზეთის გალის რაიონის სოფელ საბერიოში მომხდარ ტრაგედიას ჟურნალისტი სალომე გოგოხია ეხმაურება.
როგორც ჟურნალისტი წერს, ბავშვების დედა საავადმყოფოში წევს, მამა კი მის სანახავად იყო წასული.
„საბერიოში გარდაცვლილი ბავშვების დედა საავადმყოფოში წევს, მამა მის სანახავად წავიდა, ბავშვები ბებიას დაუტოვა… ერთი მაინც გადარჩენილიყო, რა მოხდებოდა.
ჩემო აფხაზეთო, რა ვერ გამოვისყიდეთ ასეთი, ეს რა ტანჯვაა. არ მეგულება სიტყვა, რით შეიძლება ანუგეშო მშობლები. ღმერთმა გამძლეობა მისცეს მათ…“, - წერს სალომე გოგოხია.
ინფორმაციისთვის, 5 იანვარს, დილით ოკუპირებულ აფხაზეთში, გალის რაიონ სოფელ საბერიოში ხანძრის შედეგად 5 მცირეწლოვანი - ერთი ოჯახის დედმამიშვილები დაიღუპა.
6 იანვარი ოკუპირებულ აფხაზეთში გლოვის დღედ გამოცხადდა.
⭕ ასევე დაგაინტერესებთ:
