28 იანვარს თეონა ქუმსიაშვილი 41 წლის გახდებოდა. თეონას მეგობარი, მომღერალი დათო კენჭიაშვილი გამომწერებს თეონას შესახებ გადაღებულ ვიდეოს უზიარებს.
„თეო, იყო თვითნაბადი ნიჭის, შეგრძნებით აკეთებდა სიმღერებს და აუცილებლად უნდა იცოდეს ჩვენმა ქვეყანამ ვინ არის თეოს დედიკო, ქალბატონი ანასტასია, ჩვენ მის დედიკოს სიონში ვესტუმრეთ ...“, – ამბობს დათო კენჭიაშვილი.
მომღერალმა თეონას დედა გაგვაცნო, რომელიც შვილის შესახებ საუბრობს.
„სამაჩაბლოს გმირებზე აკეთებდა სიმღერას და წინ გოდება დაურთო. გოდებას რომ წაიმღერებდა, ბავშვი, დემეტრე ტიროდა. ვუთხარი, რომ ჩამოხვალ, მე ბავშვს გავიყვან და შენ სიმღერა ისე გააკეთე- მეთქი და ვეღარ ჩამოვიდა...
ცოცხალი რომ იყოს, გამიბრაზდებოდა, ჩემზე არ ილაპარაკოო, მეტყოდა, ძალიან თავმდაბალი იყო. ახლა ვაქებ, აღარ არის და აღარ გამიბრაზდება“, – ამბობს თეონას დედა.
ინფორმაციისთვის, თეონა ქუმსიაშვილი ორ მცირეწლოვან შვილთან ერთად 2010 წელს, 22 ივლისს მუცოს ხეობაში მომხდარ უბედურ შემთხვევას ემსხვერპლა.
შემთხვევის დროს ჯიპის მარკის ავტომობილი გზიდან გადავიდა და ადიდებულ მდინარეში გადავარდა. ავარიას სულ 7 ადამიანი შეეწირა.
27 იანვარს თეონა ქუმსიაშვილი 41 წლის გახდებოდა.
⭕ ასევე დაგაინტერესებთ:
⭕როგორი ამინდი იქნება უქმეებზე? - პროგნოზი ქალაქების მიხედვით
