ტანმოვარჯიშე ქეთი ხატიაშვილი, რომელიც ცოტა ხნის წინ 36 წლის გახდა, კიდევ ერთი შვილის მოლოდინშია.
ქეთი და მისი მეუღლე დავით კაჭარავა გოგოს მშობლები გახდებიან. წყვილმა სქესის გაგების ცერემონია სახლში მოაწყო, რასაც მთელი ოჯახი ესწრებოდა.
როგორ გაიგო ორსულობის შესახებ ტანმოვარჯიშემ, ვისი იდეით მოაწყვეს ცერემონია და როგორია მისი ამჟამინდელი მდგომარეობა - ამ თემებზე ქეთი ხატიაშვილმა გადაცემაში „დღის პოსტი“ ისაუბრა:
„ანასტასიას „გენდერ“ ფართის მოწყობა ილიაზეც უნდოდა, თუმცა მაშინ თავი შევიკავე. ახლა სურვილი არ დავუკარგეთ, წესით თებერვალში უნდა გაგვეგო, მაგრამ ანასტასია გამომყვა, ტელეფონი დაიჭირა და უღებდა აბა რას იტყვიანო, მაგრამ ეს პატარა გოგო არაფრით შემოტრიალდა. ამიტომ გათიშა ვიდეო, გვითხრეს დღეს ვერ გეტყვითო და გადაიდო.
ანასტასიამ მითხრა ასე და ასე გავაკეთოთო, იდეის ავტორი ის იყო. ილიას რეაქცია იყო გაბრაზება, რადგან ბუშტი გავუხეთქეთ.
ანასტასიას გოგო უნდოდა, ნიკოლოზს ბიჭი, დათოსთვის სულ ერთი იყო.
შეგრძნებების დონეზე ყურადღებას ვაქცევ ყველაფერს, ვარ აქტიურად, ახლაც ტურნირიდან ჩამოვფრინდი. ვაკეთებ იმას, რაც მიყვარს. არის დღეები როცა ტონუსი მაქვს მომატებული“, - ამბობს ქეთი ხატიაშვილი.
ასევე დაგაინტერესებთ:
🎥 მეორედ გადახდილი ქორწილი 15 წლის თავზე - შორენასა და დავითის სიყვარულის ისტორია
