UFC 299-ზე სუპერ მსუბუქი წონის ჩემპიონმა შონ ო'მალიმ საჩემპიონო ქამარი დაიცვა - მან მარლონ „ჩიტო“ ვერა დაამარცხა. გამარჯვების შემდეგ კი თქვა, რომ ილია თოფურიასთან ბრძოლა სურს და ამისთვის, UFC-ის ხელმძღვანელს, დანა ვაითს მიმართა და უთხრა, რომ „ესპანეთში წასასვლელად თვითმფრინავი გაამზადოს“.
აღნიშნულთან დაკავშირებით, ილია თოფურია სოციალურ ქსელში ო'მალის მიმართავს და წერს, რომ შემდეგი ჩხუბი მერაბ დვალიშვილთან უნდა იყოს.
„შუგა გილოცავ. მშვენიერი გამოსვლა იყო. შემდეგი ჩხუბი მერაბთან გელოდება ჯერ ეს უნდა გააკეთო“,- წერს ილია თოფურია.
Suga, congrats.. Was a beautiful performance! There is a fight chasing you with Merab.. Get that done first .
— Ilia Topuria (@Topuriailia) March 10, 2024
ცნობისთვის, UFC 299-ზე სუპერ მსუბუქი წონის ჩემპიონთან შონ ო'მალისთან ბრძოლა მერაბ დვალიშვილს სურს და სავარაუდოდ, მერაბის შემდეგი ბრძოლა სწორედ შონთან დაპირისპირება იქნება.
დვალიშვილი ო'მალის ბროლას დარბაზიდან ადევნებდა თვალს, ხოლო დასრულების შემდეგ UFC-მ მისი კომენტარი გაავრცელა.
„ისევ არ გამომიწვია - მე პირველი კონტენდერი ვარ. მეჩხუბე, პატარა გამხდარო ბიჭო! მშიშარა ხარ, რადგან ის გამოიწვიე ბრძოლაში, ვინც შენთან არასდროს იჩხუბებს“,- თქვა მერაბ დვალიშვილმა, რომელიც ო'მალიზე განაწყენებული იყო.
აგრეთვე დაგაინტერესებთ:
🎥 „ხვიჩა კვარაცხელიას აქვს უდიდესი შესაძლებლობა და ნიჭი...“ - კახა კალაძე
