გარემოს ეროვნული სააგენტო 16 და 17 ნოემბრის ამინდის პროგნოზს სოციალურ ქსელში ავრცელებს და საზოგადოებას აფრთხილებს.
„16 ნოემბერს დღის ბოლოდან 17 ნოემბრის დღის მეორე ნახევრამდე საქართველოში მოსალოდნელია ცივი და ნოტიო ჰაერის მასების გავრცელება, წვიმა, ზოგან ძლიერი (ძირითადად ქვეყნის დასავლეთ ნაწილში), მაღალმთიან რეგიონებში თოვლი, დასავლეთის მიმართულების ძლიერი ქარი, ზღვაზე 4-5 ბალიანი შტორმული ღელვა.
მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, წერია გავრცელებულ ინფორმაციაში.
ასევე დაგაინტერესებთ:
🔵„ძალადობრივი აქტები თუ ხდება აქციაზე, ისევ მთავრობის მიდგომების ბრალია“ - ლაზარე გრიგორიადისი
