მარიამ ლამაზი ტიკ-ტოკ პლატფორმის აქტიური მომხმარებელია და იგი თავის ყოველდღიურ ცხოვრებას მაიამიდან, საზოგადოებას უზიარებს ხოლმე.
ინფლუენსერს ცოტა ხნის წინ დაბადების დღე ჰქონდა, რის გამოც გადაწყვიტა ნათესავები და ოჯახის წევრები გაეხარებინა. სწორედ ამიტომ იგი საქართველოში ჩამოვიდა.
მარიამ ლამაზი გადაცემა „დღის პოსტის“ სტუმარი იყო, სადაც საკუთარ ცხოვრებაზე ისაუბრა.
„მარიამ ლამაზი ჩემი ფსევდონიმია. ზოგადად, როცა სოცქსელები შემოვიდა, მაშინ გადავწყვიტე, რომ ჩემი გვარი არსად გამოჩენილიყო. ჩემი მეუღლე არის ჰაიტელი ამერიკელი. არის ლამაზი დაკუნთული მაღალი სიმპათიური. მეხუთე კლასში როცა ვიყავი, რეპი მიყვარდა და მაშინ ვთქვი, რომ ჩემი ქმარი ფერადკანიანი იქნებოდა. ჩემმა მეუღლემ ერთხელ მომწერა - როგორ ხარ ლამაზო. ამის შემდეგ ერთი თვე ვეკონტაქტებოდით ერთმანეთს. შემდეგ კი ვუთხარი, რომ ონლაინ მეგობარი არ მჭირდებოდა. მეორე დღესვე შევხვდით ერთმანეთს. ეს იყო პირველივე წამიდან და დანახვიდან სიყვარული.
მე ფილოსოფიურად ვუდგები ყოველთვის ყველაფერს. ბულინგი ადამიანის შინაგანი ბუნებრიობის გამომხატველია, ამიტომ ასეთ ადამიანებზე არ ვბრაზდები. ძირითადად მუცელზე მაკრიტიკებენ, ასევე მეუბნებიან რომ ლამაზი საერთოდ არ ვარ. უფრო მეტად ქართველები მაკრიტიკებენ“, - ჰყვება მარიამ ლამაზი.
.
⭕ აგრეთვე დაგაინტერესებთ:
