კასპში ავტოსაგზაო შემთხვევა მოხდა. არსებული ინფორმაციით, ავარიას მეთორმეტე კლასის მოსწავლე ემსხვერპლა.
შემთხვევის ადგილზე სამართალდამცველები იმყოფებოდნენ.
როგორც საკალათბურთო კლუბი „კასპის გრიფინი“ წერს, ავარიას კალათბურთელი შაკო კავთიაშვილი ემსხვერპლა:
„ღრმა მწუხარებას გამოვთქვამთ ჩვენი გუნდის ახალგაზრდა კალათბურთელის შაკო კავთიაშვილის ტრაგიკული გარდაცვალების გამო.
ვუსამძიმრებთ მის ოჯახს, ახლობლებსა და მეგობრებს.
ნათელში იყოს შენი სული, შაკო“, - წერია სამძიმრის წერილში.
როგორც „დაიჯესტს“ შს სამინისტროში განუცხადეს, მომხდარზე გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
ასევე დაგაინტერესეთ:
⭕სამზარეულოს „უჩინარი“ გმირი, რომელიც მეცნიერების ყურადღების ცენტრში მოექცა!
